Diketsahalo tse Ikgethang
Beke ya Dilaeborari Afrika Borwa
Beke ya Dilaeborari e ketekwa selemo ka seng ho tloha ka 1988 ho phahamisa ditshebeletso le disebediswa tseo dilaeborari tsa Afrika Borwa di nehelanang ka tsona. Ha jwale sena se etsahala ka Tlhakubele.
Letsatsi la Lefatshe la Dibuka le Ditokelo tsa Bangodi
Seboka sa Kakaretso sa Mokgatlo wa Matjhaba a Kopaneng wa Thuto, Saense le Setho (UNESCO) se ile sa tsebahatsa letsatsi la 23 Mmesa e le Letsatsi la Lefatshe la Dibuka le Ditokelo tsa Bangodi, ka hona o kgothaletsa bohle, haholo-holo batjha ho sibolla monate wa ho bala le ho lebisa tlotla dibukeng le bangoding lefatshe ka bophara. Letsatsi le boetse le ketekwa ke Ditshebeletso tsa Dilaeborari Provenseng ya Freistata mmoho le dilaeborari tsa setjhaba tse taolong ya tsona, ho kenyeleditswe le dilaeborari tse Qwaqwa.
Letsholo lena le hlophiswa ke READ ho kgothaletsa ho bala Afrika Borwa. Beke ya Readathon ke ya pele Loetse. Nakong ya letsholo bana le batho ba baholo ba kgothaletswa ho ba le seabo disesheneng tsa ho bala dikolong, dilaeboraring le dibakeng tse ding. Dilaeborari tsa setjhaba Freistata di ba le seabo diketsahalong tsena. Ikopanye le laeborari ya heno bakeng la tlhahisoleseding e batsi.
Letsatsi la Tshehetso ya Tsebo ya ho bala le ho Ngola
Dilaeborari Freistata di tshehetsa Letsatsi la tsebo ya ho bala le ho ngola ka la 8 Loetse ka diketsahalo tse tsebisang baahi ka disebediswa le ditshebeletso tse teng dilaeboraring bakeng la baithuti ba batho ba baholo.
