Boitshetleho
Ka Phupjane 2001, Bolaodi ba Ditshebeletso tsa Dilaeborari, Pokello ya direkoto le Theknoloji ba Lefapha la Dipapadi, Bonono, Setho, Saense le Theknoloji Freistata, bo ile ba atleha ho fumana thuso ho tswa Carnegie Corporation of New York ho ntshetsa pele marangrang a felletseng a ditshebeletso tsa dilaeborari lebatoweng la Qwaqwa, ho tsepamisitswe maikutlo dibakeng tsa mahae.
Projeke e bitswa Dilaeborari tsa Carnegie bakeng la bohle!/Carnegie Libraries for All! Projeke: Tshebeletso ena e Qwaqwa e sa leng e sibollwa nakong ya dilemo tse tharo, e bitswa Ditshebeletso tsa Dilaeborari tsa Baahi Qwaqwa. Ho na le tshebedisano le Lefapha la Thuto mme dikolo di sebedisetswa ho nehelana ka ditshebeletso tsa dilaeborari baahing.
Ho tloha ka Phupjane 2001 ho se ho butswe dilaeborari tse ntjha tse tsheletseng tsa sekolo/baahi mmoho le ditsi tse pedi tse ntjha tsa tlhahisoleseding, Qwaqwa. Laeborari ya Bana le Batswadi e ile ya arohanngwa ho ya ho Balla le Referense (mehlodi e fumanehang bonolo mabapi le tlhahisoleseding e itseng) mane Laeboraring ya Setjhaba ya R J R Masiea.
