Kholofalo ya ditho ke bohloko bo bakang ho sa sebetse kapa ho shwa ha ditho tse ding tsa mmele wa ngwana, maoto kapa matsoho, ka nako e nngwe ngwana o lahlehelwa ke bophelo. Kokwanahloko ya kholofalo ya ditho e tshwaetsa ha bonolo ho tloha ho motho e mong ho isa ho emong. Bohloko bona bo hlasela haholo bana ba ka tlasa delimo tse hlano.
Thibela kgolofalo ya ditho
O tla tseba jwang hore ke kgolofalo ya ditho
Bohloko bona bo etsa hore ditho tsa mmele di fellwe ke tshebetso ka ho panya ha leihlo kapa ho hohleha ho sebedisa matsoho le maoto.
Ho bana ba sa tsebeng ho tsamaya, mme, o tla elellwa ka maoto a ngwana ha a ba monyebe kapa a fokollwa ke matla.
Boikarabelo ba setjhaba
Setjhaba le batwsadi baka thusa ka ho tlaleha ka potlako ngwana e mong le mong ya bontshang matshwao a ditho tse fellwang ke matla e leng, matsoho kapa maoto, ntle le ho lemala.
Mokodi ya nang le matshwao ana o etswa diteko ho molekola hore ha ana bohloko bona.
Batswadi bohle le bahlokomedi ba bana ba tshwanatse ho isa bana ba bona ho fumantshwa marothodi ka delimo tse tshwanetseng.
Hopola
Kholofalo ya ditho e ka thibelwa.
Kholofalo ya ditho e bakilweng ke bohloko bona e ke ke ya kgutlisetswa morao. Ngwana otla phelo le yona, bophelo bohle ba hae.
Ngwana o sireletsehile ka ho phethahala kgahlanong le bohloko bona ha a fumana marothodi ohle ka nako e tshwanetseng.
Marothodi/kento ha e lefellwe di ahelong tsohle tsa bophelo bo botle tsa mmuso.
Kentelo ke mpho ya bohlokwa yeo re ka e fang bana ba rona.
