Weather 									Sesotho



Tsa bolepi mabapi le 2007/2008 sehla sa tlhahiso sa lehlabula



Instructions:

Folio Strap: Maemo a lehodimo

Byline: Corné Louw, moikonomi wa tsa temo: Tlhahiso/Disebediswa, Grain SA

Setshwantsho sa 1 – Pudungwana

Setshwantsho sa 2 – Tshitwe

Setshwantsho sa 3 – Pherekgong

Setshwantsho sa 4 – Bothaville

Setshwantsho sa 5 – Reitz

Setshwantsho sa 6 - Schweizer-Reneke

Setshwantsho sa 7 – Bethal

Kgonahalo

Dikgwedi



Pula ya sehla se fetileng, haholoholo nako e hlokolotsi ya ho tloha ho Pherekgong 2007 ho isa ho Hlakubele 2007 e bile e ommeng haholo le ho feta ka 1992 ha ho ne ho rekotwa komello e mpempe haholo. Ho bile teng mabatowa, haholoholo ho potapota Gauteng le dikarolo tse ka bophirimela tsa Mpumalanga, tse fetileng komellong e mpe ka ho fetisisa ha esale ho tloha ka 1912.



Ho ya ka Mong. Johan van den Berg wa ARS, ho teng matshwao a bontshang ntshetsopele ya La Nina e bonahalang e le matla. Ho lebelletswe hore tshwaetso ya La Nina e tshwanetse ho ba teng ho fihlela bonyane ka hwetla ya 2008. Sephetho sa hona ke hore menyetla e phahame haholo ya pula tse ntle nakong e hlokolotsi ya ho tloha ho Tshitwe 2007 ho isa ho Hlakubele 2008.



Ditshwantsho 1 - 3 di bontsha menyetla ya ho fumana bonyane pula e tlwaelehileng. Dibaka tse tshehla di bontsha pula e tlwaelehileng, botala bo bontsha ka hodima palohare ya pula, bosootho bo bontsha ka tlasa palohare ya pula. Bolepi mabapi le dikgwedi tse tlang bo bontsha palohare (tshehla) ho isa ka hodima palohare (botala), e leng dipalo tsa pula e lebelletsweng. Menyetla ya pula ka ho qolleha e metle ka Tshitwe 2007 le Pherekgong 2008.



Ditshwantsho 1 - 3: Kgonahalo (%) ya bonyane pula ya 

 mahareng/tlwaelehileng 

Bofubedu: Tlasa 20% ya pula e mahareng

Bosootho/fifetseng: 20% - 40% menyetla ya pula e mahareng 

Bosehla: 40% - 60% monyetla (mahareng)

Bobolou: Ho feta 80% monyetla (haholo ka hodima e mahareng)



Menyetla ya dibaka ka bonngwe

Monyetla wa ho fumana bonyane 20 mm ya pula nakong ya matsatsi a leshome o sebeditswe mabapi le dikarolo tse itseng – sena se ka bonwa ditshwantshong tsa 4 - 7. Tebello e theilweng hodima palohare ya nako e telele, e bontshwa ka bofubedu, mme kgonahalo ya sehla sena (2007/2008) e bontshwa ka bobolou.



Mabatowa a bolou a bontsha dinako tse nang le monyetla o motle wa pula e ka hodima ya tlwaelo. Ha re nka ntshetsopele ya La Nina, menyetla ya ho fumana pula e ntle, e bonahala ka Tshitwe, karolo ya pele ya Pherekgong, mme e be maqalong a Hlakola 2008 ho isa ho Hlakubele 2008.



Tlhahisoleseding e ka hodimo e bokelletswe ke Mong Johan van den Berg wa ARS. Ditaba tse ding ho feta mona di fumanwa websaeteng ya Grain SA (www.graansa.co.za). 

 

