Tyres 2 (Maize)									 Sesotho



Tlhokomelo ya dithaere tsa hao



Instructions:

Folio Strap: Dithaere

Byline: Ditaba tsena ka ba Goodyear

Photos: Sebedisa ditshwantsho tsa dithaere

Sebedisa letshwao la Goodyear



Dithaere tsa mapolasi ha di tlase ka theko, empa ho teng melawana ya bohlokwa e lokelang ho latelwa ho tshireletsa tebello ya hao le ho ntlafatsa bolelele ba bophelo ba thaere.



Ho kganna ka dithaere tse moya o monyane kapa o mongata haholo ho kgannela ho feleng ho hoholo ha tsona, ho beha kgatello e ngata thaereng, mme ho qetella ho bakile ho fela ha yona pele ho nako – tshenyehelo e kgolo ruri!



Ka baka lena, ho bohlokwa hore moya wa thaere o dumellane le maemo, le ho hlahloba moya kgafetsa. Sena se tshwanetse ho etswa hang kapa habedi ka beke, mme o hopole ho lekanya moya wa dithaere ha o jara thepa e boima kapa o etsa mesebetsi e itseng.



Ka nako e le nngwe, hlahloba diforo le mahlakore a dithaere, o shebe hore na ha ho na tshenyo e bonahalang kapa ho senyeha ho sa tlwaelehang, ka ha sena se ka nna sa bontsha pantjhara (puncture), moya o fosahetseng, mathata a ho sekama (suspension) kapa lebidi le sothang la mokganni le supang ho sa otlolohe ka nepo ha koloi.



Ho nnetefatsa hore thaere e matha hantle ka moya o tshwanetseng ho tla fana ka ho tseparela ho lebelletsweng, ho tshwarella ho matlafaditsweng, paballo e eketsehileng ya mafura, mme ho tla etsa hore nako e tlang ho be bonolo ho ela hloko ho dutla ha moya thaereng le masoba a mang. Hopola ho hlahloba moya ha thaere e bata, pele terekere kapa sepalangwang se kgannwa, ka ha motjheso o bang teng nakong ya ho kganna o qetella ka keketseho ya moya le ho metha ho fosahetseng ha moya.



Tokiso ya dithaere – sebedisa setsebihadi!

Ba Goodyear ba kgothaletsa hore ho kenngwa ha dithaere le ho di lokisa ho tshwanetse ho etswa ke basebeletsi ba kwetlisitsweng hantle ka ha mosebetsi ona ke o fupereng kotsi. Mohlala, ha thaere e sa kena ka tshwanelo riming, kgatello e phahamaneng ya moya o ka hara thaere e ka nna ya senya thaere moo e kopanang le rimi teng, mme le yona rimi e ka senyeha ka baka la ho phatloha ho etsahalang ka sekgahla se seholo. Re ka tlatselletsa ra re, ho se tsetse hantle ha thaere riming ho ka nna ha baka ho thella ha thaere riming nakong ya lebelo le phahameng haholo, e leng se ka kgannelang ho senyeheng ha thaere, mobu kapa yona koloi.



Ho kopanngwa ha lebidi le thaere ho tshwanetse ho etswa maemong a tshireletseho nakong eo moya o pompuwang ka yona, e le mokgwa wa ho nka mehato ya tshireletso. Moo tokiso e entsweng tjhupung ya thaere e pantjhileng, tokiso eo e tshwanetse ho nkwa feela e le tokiso ya nakwana. 



Se ke wa tlatsa feela thaere ka moya moo thaere e lahlehetsweng ke moya kapa e ileng ya pompuwa feela ka mokgwa o bohlaswa wa moya o sa lekanang ntle le ho simolla pele ka ho e ntsha ledibing le ho e hlahloba ho senyeha ha yona. Etsa hore e hlahlojwe hantle le ho lokiswa ke setsebi kapa motho ya sebetsang ka dithaere.



Ntlha tse ding tsa sehlooho tse lokelang ho hopolwa ke tsena: kamehla kwala ka sekwahelwana (cap) valvong ya thaere, se ke wa otla thaere kapa rimi ka hamore nakong ya ho lokisa lebidi. Le ka mohla o se sebedise tjhupu thaereng e kgolo kapa e nyane ho feta ka moo ho lekantsweng ka teng; qoba ho sebedisa tjhupu tse senyehileng kapa tse nang le kerise (grease); etsa hore ka mehla o boholo ba rimi tsa hao ke bo dumellanang le boholo ho ya ka baetsi ba dithaere tsa hao; ka mehla se ke wa leka ho lokisa, ho tjheselletsa kapa ho petjha dirimi tse senyehileng.



Polokeho e baballehileng

Le hoja ba Goodyear ba sebedisa thepa ya boemo bo hodimo, e tshireletsang thaere kgahlanong le tshenyeho ya thaere, rekere e batla haholoholo e monya oli, kerise, mafura hammoho le diphalli tse ding, mme ho feta mona, e senngwa ke ho pepesetswa letsatsing le kganyeng.



Ka baka lena, dithaere di tshwanetse ho bolokwa sebakeng se phodileng, se hlwekileng le se lefifi, hole le metjhine e meng e kang, e dumang, dijenereitara, metjhine e tjheselletsang ka ha ozoune e ntshwang ke metjhine e kang ena se baka ho petsoha thaereng, mme qetellong ho senye thaere ka hohlehohle.



Ka mokgwa o tshwanang, hlatswa dikhemikhale dife kapa dife tse ka itshwareletsang hodima thaere ha o qeta ho sebedisa terekere mesebetsing e kang ya ho fafatsa.



Mabapi le ho boloka setorong dithaere tse ntseng di le diriming tsa tsona, empa di se metjhineng ya tsona, phahamisa koloi hore mdithaere di se thetse fatshe. Haeba sena se sa kgonahale, eketsa moya o tlwaelehileng ka diperesente tse 25 ho fokotsa ho putlama, mme o nne o tsamaise koloi ka mora nako tse itseng hore o fokotse kgatello dikarolong tsa thaere tse thetsanang le mobu kapa bofatshe ba setoro.































