Profile (Maize)										Sesotho
Ako tsebe... Monica Mathamba
Instructions:
Folio strap: Palekgutshwane ya bophelo
Byline: Lawrence Luthango, mohokahanyi wa provense wa Lenaneo la Grain SA la Ntshetsopele ya Molemi
Photo: Use pic of Monica
Monica Mathamba o dula Lebatoweng la Tsamaiso la Mthatha Mbozisa moo e leng setho sa Mokgatlo wa Mbozisa Farmers Association. Monica ke molemi masimong a setjhaba, mme o kgonne ho tshireletsa ka terata masimo a hae a dijothollo, a dihekthara tse tsheletseng.
Monica o bile teng dithutong tse latelang tsa kwetliso, e leng tsa Grain SA: Selelekela tlhahisong ya poone hammoho le thuto e phahameng tlhahisong ya poone. Monica o ntlafaditse tlhahiso ya hae ya poone ka ho sebedisa tsebo le boitsebelo ka ho ba setho sa Grain SA. O ne a atisa ho hlahisa ditone tse 3,5 hekthara ka nngwe, empa jwale o hlahisa ditone tse 4,5 hekthara ka nngwe.
O lefella dijothollo jwang?
Tefello ya dijothollo e tswa mokotleng wa hae, mme o lla ka motho ya mo sebeletsang ka ditjhelete ka ha dikadimo tsa ditjhelete di tjhaellwa monwana nako e se e ile, ha sehla se se se fetile.
Tse kenngwang mobung o di fumana jwang?
Monica o reka tse kenngwang mobung ho ba Mthiza Farmers Co-op le ba East Cape Co-op. Ka papiso ditheko di phahame, mme ha ho keletso ya sethekgenike eo bafepedi ba thepa ba mo fang yona.
Boikarabelo ba mmuso ke bofe temong, mme mmuso o bo phethahatsa jwang?
Boikarabelo ba mmuso ke ho fana ka keletso ho balemi hammoho le boitsebelo ba sethekgenike hammoho le ho fana ka tsa motheho. Monica o re mmuso ha o phethahatse boikarabelo ba ona hobane ha o kenye maano a ona tshebetsong.
Katleho ya hae e itshetlehile hokae?
Monica o tshetlehile katleho ya hae leratong leo a nang le lona le ho sebetseng ka thata. O dumela hore dipeo tsa mabasetere, manyolo le tshebediso ya dibolayalehola ho laola mahola, ke tsona tse ntlafaditseng kuno ya hae. Lemong sena, Monica o rata ho reka disebediswa tsa temo, haholoholo sefafatsi sa boom. 
