Profile (Maize)										Sesotho
Ako tsebe...Victor Mahlinza
Instructions:
Folio strap: Ntlhakgolo ya bophelo
Byline: Jurie Mentz, mohokahanyi wa provense wa Lenaneo la Grain SA la Ntshetsopele ya Molemi
Photo: Use pic of Victor
Sibongile Victor Michael Mahlinza o hlahetse Estcourt ka la 14 Phupu 1961, mme a holela Ntabamhlophe (White Mountain). A simolla ka dithuto tsa hae tsa poraemari ka 1968 sekolong sa Cornfield Primary. Ka 1976 a kena sekolong se phahameng sa Mtshezi moo a phethileng kereiti ya 11 ka 1982. 
Ka 1983 a etsa qeto ya ho ya Johannesburg moo a sebeditseng selemo e le mongodi wa konteraka e ahang matlo. Ke ha Victor a sebetsa e le storeman khamphaneng ya dikhemikhale Johannesburg ho fihlela ka 1986. Ho tloha ka 1987 ho fihlela ka 1988 Victor a sebeletsa M & L Distributors e le mokganni wa lori. Ho tloha ka 1989 ho fihlela ka 1995 a ba tlasa konteraka ya AMCA Construction e tsamaisang thepa. Selemong sa 1996 Victor a rata ho ba molemi, mme a kgutlela lapeng. A simolla temo, a sebedisa dikgomo ho lema dijothollo. A reka terekere ya hae ya pele ka 2003. 
Bophelo ba lelapa
Victor o nyalane le Linah, mme ba hlohonolofaditswe ka bana ba bahlano; banana ba bararo le bara ba babedi. Fikile (26) o na le bana ba babedi. Sizwe (19) o phethile kereiti ya 12 Pietermaritzburg, Zakhe Agricultural College, mme a phetha thuto ya meroho kholetjheng ya Buhle mane Delmas. Hajwale o sebetsa le Victor polasing ya hae. Zandile (15) o kereiting ya 9 sekolong se phahameng sa Abantungwa. Mpumelelo (11) o kereiting ya 4 sekolong sa Mathamo Primary.
Victor o boetse o nyalane le Norah, mme ba na le bana ba bararo; mora le baradi ba babedi. Ayanda (24) o phethile kereiti ya 12 Mtshezi High School, mme o na le sertifikeiti sa N3 ho tsa Civil Engineering kholetjheng ya Berea Technical mane Durban. Ayanda hape o sebetsa mmoho le ntatae polasing. Baradi ba hae ba babedi. Thakasile (20) hajwale o etsa kereiti ya 11 Abantungwa High School, mme Bongeka (12) yena o kereiting ya 6 Mathamo Primary School.
Victor o na le diterekere tse pedi; Massey Ferguson 440 4 x 4 le Massey Ferguson 5465 hammoho le motorokara wa Colt 2.8. O tla fihlella tse kgolo hobane o holetse tikolohong ena ya temo. O na le ponelopele, mme o sebete ho tadimana le diphephetso tsa ho ba molemi.
O lefella dijothollo tsa hae jwang?
Victor ha a sebedise motho ya sebetsanang le ditjhelete, empa yena ka sebele o itefella dijothollo tsa hae, e leng bothata boo a nang le bona hajwale ka ha o sebedisa mobu wa setjhaba, mme o hira ho molemi wa kgwebo ho ka etsang dihekthara tse 15 tsa mobu o lengwang. 
Tse kenngwang mobung o di fumana hokae?
O reka tsohle tsa temo ho ba TWK toropong ya Winterton, mme dikhemikhale tsona o di reka ho ba Farmers Agri-Care hona moo Winterton. Victor o reka peo ka ho otloloha ho Pannar le Monsanto, mme o motlotlo haholo ka tshebeletso eo ba mo fang yona.
Mmuso o thusa jwang temong, mme mmuso o phethahatsa thuso jwang?
Victor o bona mosebetsi wa Lefapha la Temo ka leihlo le letle lebatoweng la hae ka ha a fumana tshehetso e ntle, mme o bona Lefapha la Temo le phethahatsa boikarabelo ba lona. Lefapha la selehae la Temo le thusitse balemi ho lema poone e tshehla mabapi le SAB. Katleho ya hae temong e itshetlehile ka moralo o motle le ho sebetsa ka thata haholo.
O bona dife e le ditshoso tswelopeleng le katlehong ya hae?
O ikutlwa hore tshoso e kgolo ka ho fetisisa tswelopeleng ya hae ke kgaello ya tjhelete dijothollong tsa hae mehatong yohle ho fihlela mohatong wa ho di mmaraka. Ditshenyehelo tsa mosebetsi le tsona ke tshoso e kgolo ho yena.
Ke dintlha dife tsa temo ya hae tseo a batlang ho di ntlafatsa?
Victor o tla rata ho ntlafatsa dikgomo le dipodi tsa hae ka ha a bona sena e le ntlha e bohlokwa ka ho fetisisa e ka etsang hore botsitso bo be teng dijothollong tsa hae. Mokgwa wa hae wa ho iphedisa selemong sena ke ho arohanya mesebetsi; jwalo ka ha re bona hore o lemme poone, dinawa tse ommeng, meroho le chicory tlasa konteraka le ba Nestle.
