Member (Maize)									Sesotho
Ke ba setho sa Grain SA jwang?
Folio strap: Keketso ya boleng
Byline: Jane McPherson, manejara wa Lenaneo la Grain SA la Ntshetsopele ya Molemi
Molemi e mong le e mong wa dijothollo a ka nna a ba setho sa Grain South Africa. Ho teng mefuta e fapaneng ya ho ba setho mokgatlong ona, empa mekgwa e tlwaelehileng haholo ke ho ba ditho tse keneng kgwebong, le ditho tsa sehlopha sa boithuto. 
Makgetho a lefuwang hore motho e be setho se phethahetseng se keneng kgwebong ke R2 tone ka nngwe mabapi le tone ka nngwe e hlahiswang, mme bonyane ba tjhelete e lefuwang e le lekgetho ke R570 (ho kenyelleditswe VAT). 
Botho ba sehlopha sa boithuto bo ja R10 setho ka seng ka selemo. Haeba batho ba teng ba ratang ho kena sehlopheng sa boithuto le ho ba ditho tsa Grain SA, ikopanyeng le Ofisiri ya Ntshetsopele e haufi le wena, mme mabitso le dinomoro di hlahella leqepheng le ka morao la lengolo lena. Sepheo sa sehlopha sa boithuto ke ho ba le dikopano tsa kgafetsa moo ho tshohlwang dintlha tsohle tse amanang le tlhahiso ya dijothollo. Ho ba setho sa sehlopha sa boithuto ho boetse ho bolela hore o na le monyetla wa ho kenela dithuto tsa kwetliso tseo Grain SA e fanang ka tsona nakong yohle ya selemo. 
Re tshepa hore balemi ba bangata ba ntseng ba thuthuha e tla ba ditho tse tletseng tsa Grain SA, tse keneng kgwebong, mme sena se phethahala ha ditho tsena di lefa lekgetho la tsona la R2 tone ka nngwe e kotulwang. Grain SA e hloka botho ba hao e le hore letsholong la balemi ba dijothollo bohle re kgone ho ema le ho bua re le ntswe leng jwalo ka balemi ba Afrika Borwa. 
