Kobus											Sesotho

Manejara-kakaretso wa Grain SA o a kgethwa



Instruksies:

Folio Strap: Grain SA

Byline: Pula-Imvula, sehlopha sa bahlophisi

Photo: 



Ngaka Kobus Laubscher o kgethilwe jwalo ka manejara-kakaretso wa Grain SA ho tloha ka la 1 Pherekgong 2008.



Ngaka Laubscher, eo hajwle a hokahaneng le yunibesithi ya Foreisetata, ke setsebi sa ikonomi ho tsa temo, ka tsebo e batsi le ho kena ka setotswana mohatong wa naha le wa provense, hara tse ding, jwalo ka moeletsi dikgwebong tsa temo, mofuputsi le morupedi. Ntle le mesebeti e mengata ya bofuputsi mabapi le ntjhafatso ya naha le dimmaraka, o boetse e bile setho sa sehlotshwana se phethahatsang thomo ya mopremiri wa Kaapa Leboya, mabapi le phuputso mabapi le ho ntshetsa pele bahlahisi ba mekgwa ya ho nosetsa ka metsi.



Maemong a Afrika Borwa, o kene ka setotswana kgwebong ya temo ho la Namibia le Botswana. Ngaka Laubscher hape ke setho sa Mokgatlo wa Dijo tsa Matjhaba le Tsamaiso ya Temo (IAMA). O boetse o na le boiphihlelo boemong ba phethahatso le ba ka thoko ho yona, lefapheng la tsa kgwebo. Haufinyane o sa tswa kgethwa ke letona la tsa mesebetsi jwalo ka modulasetulo (eseng wa phethahatso) wa Institjhute ya Tlhahiso wa Naha (NPI) wa afrika Borwa, mme o sebetsa jwalo ka thatohatsi boemong ba tsa temo. Ho fihlela moraorao tjenae bile setho sa Lekgotla la Yunibesithi ya Foreisetata a kgethilwe jwalo ka moemedi wa bankakarolo.



Ngaka Laubscher o nyalane le Annemarie, mme o na le baradi ba babedi le mora a le mong.



