Farmer (Maize) 									SESOTHO

Ho lemoha bohlwahlwa indastering ya poone

Instructions:

Folio Strap: Ho ntshetsa pele molemi wa selemo wa dijothollo

Byline: Jane McPherson, Manejara wa Lenaneo la Ntshetsopele ya Molemi la Grain SA

Photos: Labious, Labious 2

Caption 1: Labious Manoto 

Caption 2: Neels Ferreira (Grain SA), Johan Kriel (Mohokahanyi Provenseng), Laboius Manoto le Tonie Loots (Mohokahanyi Provenseng).



Mohlodi tlhodisanong ya Grain SA ya Molemi ya Tswelang pele wa Selemo o ile a phatlalatswa phirimaneng ya ditletle e neng e tshwaretswe The Theatre on the Track mane Kyalami ka la 17 Mphalane 2008. Ka tlhodisano ena, Grain SA e lakatsa ho ananela bohlwahlwa indastering ya temo ya poone hara balemi ba tswelang pele le ho fana ka mehlala ho ba bang ba kenang indastering ena.

Ho hlwailwe mabitso a tsheletseng a ba kenelang Tlhodisano ya Selemo ya Molemi ya Tswelang pele. Ke ana a latelang:

Deliwe Ntebele-Mutlwane wa Delareyville, Leboya Bophirimela;

Boy Mokoena wa Bronkhorspruit, Mpumalanga;

Labious Manoto wa setereke sa Mooifontein, Leboya Bophirimela;

Samuel Nyambose wa Paul Roux, Foreisetata;

Samuel Moloi wa Fouriesburg, Foreisetata; le

Isaac Khuto wa Ficksburg, Foreisetata.



Molemi ya Tswelang pele wa Dijothollo wa selemo sena ke Labious Manoto wa Mooifontein, seterekeng sa Leboya Bophirimela. Re rata ho thoholetsa Labious Manoto le ba bang ba kenetseng tlhodisano mabapi le katleho ena ya hae.



Tlase mona ke maikutlo a mmalwa a entsweng ke sehlopha sa baahlodi ka mora leeto mabapi le Labious.



Lawrence Luthango

Matla – Boinehelo bo matla, sebetsa ka thata. Boiphihlelo. O tseba kgwebo ya hae. 

Kgothaletso – O tshwanetse hore e be e se e le molemi wa mohwebi.



Jerry Mthombothi

Matla – O na le diterekere le disebediswa tse lekaneng. O tseba seo a se etsang, dijothollo tsa hae di shebahala di le ntle, le disebediswa tsa hae di sa le boemong bo botle. Maphephe a matle le setsha sa ho sebeletsa.

Johan Kriel

Matla – O na le masimo, o na le disebediswa, o na le bara ba babedi ba sebetsang le yena, mme o na le dilemo tse ngata tsa boiphihlelo.

Willie Kotzé

Matla – Bohwai bo botle bo tswakantseng poone, soneblomo, dinku le dikgomo. Ke molemi ya tiileng ya nang le dilemo tsa boiphihlelo. O na le lethathamo la diterekere hammoho le disebediswa tsa tsona, hammoho le maphephe le ditsha tse ntle tsa ho sebeletsa. O na le tsebo e ntle le kutlwisiso e ntle ya temo, o tseba seo a se etsang le hore o se etsa ka mabaka afe. O sebedisa keletso ya bafepedi ba dihlahiswa – peo, manyolo le dikhemikhale.

Bofokodi –Monna enwa o se a hlaotse bofokodi ba hae, mme mosebetsi wa hae wa polasi o na le phaello, tshwarello le ho tiya.

Dikgothaletso – Molemi enwa o etsa tsohle ka nepo, mme o fihlelletse mehato e lebelletsweng ho mohwebi wa mmakgonthe.



Jane McPherson

Matla – O na le boiphihlelo bo botle ba bolemi le tsebo e ntle ya bolemi. Mebu e metle e sebediswang hantle le matla a lekaneng a terekere le disebediswa.

Kgothaletso – Tshwara jwalo mosebetsi ho ya ho ile!



Tonie Loots

Matla – Boiphihlelo bo botle, mobu o motle le pula e ntle hammoho le diterekere tse ntle le disebediswa.

Bofokodi – Taolo ya mahola e lokela ho elwa hloko – haholoholo jwang ba ‘kwekgras’. Ho mmaraka ha hae ho ka nna ha ntlafatswa.

Kgothaletso – Hlokometse ho ba le matla a lekaneng a diterekere ha naha e ntse e hola. Fuputsa masimo mabapi le nosetso.



Amos Njoro

Matla – O na le tsebo e ngata ya seo a lokelang ho se etsa.

Kgothaletso – O tshwanetse ho kena ka setotswana matsatsing a balemi le dithutong mabapi le diphetoho tsa moraorao le tsebo ya moraorao.



Jenny Mathews

Matla – Monna e MOHOLO – eta tse kgolo – menyabuketso e meholo – ya lokelang ho salwa morao. Mohlala o ka kenyang mafolofolo ho ba bang – haholoholo bara ba hae. O kenya Tshepo ya hore temo ya nako e tlang, matsohong a kang ana, e tla tiya. O fihlelletse tse ngata le hoja a ile a kopana le dilemo tsa mathata le ho hloka menyetla. Ke a mo hlompha le ho ema ke maketse. Enwa ke monna ya tswileng ka mahetla hara ba bang. E le molemi, o ntse a hola, mme ha a tshabe ho bonahatsa bofokodi ba hae moo a hlokang thuso teng – thuso eo a nang le bonnete hore o tla e fumana.

Kgothaletso – Molemi wa Selemo sa 2008! 









































