Chemikaliee										Sesotho



Nahana pele o sebedisa dikhemikhale



INSTRUCTIONS:

Folio Strap: TAOLO YA DIKHEMIKHALE

Byline: Corné Louw, Setsebi sa ikonomi ho tsa temo: Tlhahiso/Disebediswa temong, Grain SA



Dikhemikhale tsa temo di ka senya dijothollo tsa hao, bakeng sa ho di tshireletsa ha eba di sa sebediswe ho ya ka dikgothaletso tse behilweng, le ka hlokomelo e hlokahalang. Ka ho latela mehato ya sehlooho nakong ya ho reka le ho sebedisa dikhemikhale, molemi a ka thibela tshenyo dijothollong tsa hae.



Nakong ya tshebediso ya dikhemikhale, ela hloko tse latelang:

Na sesebediswa sa temo se ngodisitswe mabapi le dijothollo tse itseng tse qollehileng (mona Afrika Borwa) le ho sebetsana le mofuta o ikgethileng wa lehola, funguse kapa tlhaselo e itseng?

Na bongata bo kgothaleditsweng ba khemikhale bo sebediswa jwalo ka ha ho kgothaleditswe?

Na maemo a lehodimo nakong ya tshebediso le ka mora yona a dumellana le maemo a kgothaleditsweng?

Na nako ya tshebediso e ntse e le e kgothaleditsweng, mohlala, hoseng haholo kapa thapama haholo?

Na maemo a masimo moo dijothollo di lengwang ho ona a wela ka hara meedi ya ditlhoko, mohlala, mongobo wa mobu le mofuta wa mobu?

Na mehato ya taolo kgahlanong le tlhaselo e sebediswa boemong ba ho hola jwalo ka ha ho kgothaleditswe ditaelong tsa tshebediso?

Ditlamorao – na sesebediswa sa temo se na le kotsi e itseng mabapi le phapanyetsano ya dimela (rotation) – ka mantswe a mang, mabapi le semela se hlahlamang?

Na sesebediswa sa temo se ka tswakanngwa le disebediswa tse ding – mohlala, sebolayalehola se qollehileng mmoho le tse ding le/kapa dibolayakokwanyana le dibolayafunguse tse ding?



Ho fokotsa dikotsi tse ka namang, tse amanang le tshebediso ya dikhemikhale, Grain SA e kgothaletsa bahlahisi ho etsa bonnete ba hore ba na le bonnete ba tse latelang ha ba reka dikhemikhale: 

Moemedi o tshwanetse ho tiisa hore khamphane eo a e emetseng ke setho sa CropLife SA;

Khamphane e abang e tlamehile ho ba setho sa ACDASA;

Moemedi o tlamehile ho tiisa hore o rupeletswe (o atlehile, mme o phethile hlahlobo ya AVCASA;

Dikgothaletso di tshwanetse ho ngolwa fatshe le ho saenelwa ke moemedi.



Bahlahisi ba tshwanetse ho ela hloko hore ho ritsa ho itseng ho ka nna ba eba teng nakong ya tshebediso ya dikhemikhale, haholoholo ka ho fafatsa ka moya, mme ho tshwanetse ho lekwa ho fokotsa sena. Tshenyo e kgolo e ka bakwa ha eba dikhemikhale tsena di ka wela masimong a haufi, a nang le dimela tse fokolang.



Paballo ya dijo e bohlokwa ka ho fetisisa. Ka ho sebedisa dikhemikhale ka nepo le ho boloka direkoto tsa tshebetso, bahlahisi ba se ba ntse ba hlotse ditlhoko tse mpempe ka ho fetisisa tsa paballo ya dijo.



