Celebrate (Maize)								(SESOTHO) 

Mekete ya 250 Ton Club

Instructions:

Folio Strap: Lenaneo la ntshetsopele ya molemi

Byline: Jane McPherson, manejara wa Lenaneo la Grain SA la Ntshetsopele ya Molemi

Photos: 67, 71, 80, 83, 87, if there is space 27, 32, 35 37

Captions:

Photo 027.jpg

Mentors Eduard Foord hammoho le Fanie Pienaar ba ile ba lebohuwa ka baka la diphehiso tseo ba di entseng.

Photo 032.jpg

Diofisiri tse latelang tsa katoloso di ile tsa lebohuwa mabapi le diphehiso tsa tsona:

S.M. Mpahleni, M. Sobuza, M.S. Nyoni (ya amohelwa ke Solomon Mabila) le Lucas Nhlane. 

Photo 035.jpg

Barekisi ba latelang ba thepa ya masimo ba ile ba lebohuwa mabapi le diphehiso tsa bona:

Ka morao: Luvo Qongqo, Jan du Preez, Div Bosman, Victor Thabethe, Charles Matlou, Lawrence Watch le Jarius Metswamere.

Ka pele: Dudu Mashile, Muzi Hlongwane le Salome Modise.

Photo 037.jpg

Bakwetlisi ba na le seabo se seholo mosebetsing wa ho ntshetsa pele Bahlahisi ba Thuthuhang. Bakwetlisi bana ba ile ba lebohuwa ka diphehiso tseo ba di entseng:

Danie van den Berg (Setsebihadi: Field Services) le Israel Mokoto wa Wolmaranstad. 

Photo 067.jpg

Ba hlwailweng e le Balemi ba Thuthuhang ba selemo ba Mpumalanga e bile bana ba latelang:

N.R. Mhlanga, E.R. Serahe, F.J. Mhlanga (mohlodi), M.G. Nkosi, Jerry Mthombothi (mohokahanyi wa provense) le A.P. Masina.

Photo 071.jpg

Ba hlwailweng e le Balemi ba Thuthuhang ba selemo lebatoweng la Eastern Cape e bile bana ba latelang:

Nothando Mzini, S.H. Walaza, Simphiwe Elliot Shabhu (mohlodi), Ntombizanele Mtshulana, le Themba Mkiva.

Photo 080.jpg

Bahlahisi ba latelang ba bahwebi, mmoho le ditho tsa 250 Ton Club, ba ile ba hapa dikgau tsa bronse:

I. Abdool, P. Nolundi Msengana le S. Jonas Mokoka.

S. Motswenyane, J. Mokoto, R.E. Pholo le George Letlojane ba bile siyo.

Photo 083.jpg

Bahlahisi ba bahwebi le ditho tsa 500 Ton Club ba ileng ba hapa kgau wa silevera:

Ka morao: J. Metswamere, R.M. Ramoholi, William Matasane le Malefane Makubo.

Ka pele: Philip Xaba le Me Mponeng Lentoro.

Ba siyo: M.A. Bantseke le M.J. Komako.

Photo 087.jpg 

Bahlahisi ba bahwebi le ditho tsa 1 000 Ton Club ba ileng ba hapa kgau ya kgauta:

Karabo Peele le Moss Malo. 

Thando Lolwane o bile siyo.



Ka la 29 Loetse 2009 Lenaneo la Ntshetsopele ya Molemi la Grain SA le hlwaile letsatsi la mokete – mekete ya 250 Ton Club. 

	

Boikemisetso ba Lenaneo la Grain SA la Ntshetsopele ya Molemi ke ho ntshetsa pele bahwebi ba batsho ba filweng bokgoni, mme mokete holong ya Fanie Ferreira e NAMPO e bile ho ela hloko le ho leboha bahlahisi ba ka kenngwang indastering e batsi ya temo e le bahwebi ba batsho – ba hlahisang ho feta ditone tse 250 tsa dijothollo.



Tsela e lebisang bohwebing ba dijothollo ha e bonolo, mme ha ho tsela tse paroletsang. Bolemi bo na le diphephetso, mme le yona phaello ha se e kae. Bahlahisi bana ba tsheheditswe ke basebetsi ba Lenaneo la Grain South Africa la Ntshetsopele ya Molemi hammoho le batshehetsi ba bang ba indasteri, ba kang dibanka, ba kgwebo tsa agribusiness, dikhamphane tse rekisang thepa ya temo, diofisiri tsa katoloso tse tswang Mafapheng a fapaneng a Temo hammoho le bahwebi ba bang.



Lemong se fetileng re ile ra hloma sehlopha sa 250 Ton Club e le ho ananela katleho ya ba seng ba hlahisa ho feta ditone tse 250 tsa dijothollo ka selemo, e leng ba seng ba le haufi le ho bitswa “bahlahisi ba bahwebi”. Bongata ba bahlahisi bana e tla ba feela karolo ya lenaneno nako ya selemo kapa tse pedi, mme tswelopele ya bona e tshwanetse ho ananelwa.



Ditho tsa 250 Ton Club di ntse di eketseha butlebutle. Re na le ditho tse supileng tsa 1 000 Ton Club, tse leshome le metso e meraro tsa 500 Ton Club le tse mashome a mabedi tsa 250 Ton Club. Monongwaha, bahlahisi ba batjha ba robedi e bile ditho tsa sehlopha sena.



Moketjaneng wa selemo sena, re nkile mohato o mong – Molemi ya Tlase wa selemo. Mpumalang le Kapa e ka Botjhabela, ho teng bahlahisi ba bangata ba kgonang feela ho ba le hekthara e le nngwe ho isa ho tse pedi tsa masimo. Bahlahisi bana ba bohlokwa haholo tshireletsong ya dijo tsa mahaeng. E le karolo ya ntshetsopele ya lenaneo, re tshwarahane le ho kwetlisa le ho tshehetsa bahlahisi bana ba tlase hore ba ntlafatse mekgwa ya bona ya tlhahiso. Re entse qeto ya simolla ka tlhodisano mabapi le bahlahisi bana e le hore kgatelopele e hlwahlwa e bonwe mokgahlelong ona. Lemong sena, bahlodi tlhodisanong e bile Mong. F.J. Mhlanga wa Mpumalanga, le Mong. S.E. Shabhu wa Kapa e ka Botjhabela. Le hoja bahlahisi bana ba sa sebetsane le masimo a batsi, tshebetso ya bona ya masimo ke e hlwahlwa ka ho fetisisa, mme ba fana ka thuso e kgolo bathong ba bona ba selehae. 

