Calibration (Maize)								Sesotho



Ho metha ha sefafatsi



Instructions:

Folio Strap: Metjhine

Byline: E hlophisitswe ho tswa Thutong ya Sethekgenike sa Ntshetsopele ya Bokgoni ya Grain SA ka Jane McPherson

Photos: Calibration



Artikele e fetileng e akareditse dikarolo tsa sefafaletsahole le hore se sebetsa jwang. Artikeleng ena, re tla ke re shebane le matshwao ao sefafatsi se methang ka ona.



Matshwao a methang ke eng?

Mosebetsi wa ho etsa matshwao sefafatsing hore se methe o etswa ka sepheo sa hore ha o fafatsa o kgone ho fafatsa bongata bo nepahetseng ba sephalli (metsi le tjhefo) karolong e fafatswang. 



Disebediswa tse hlokahalang ho etsweng ha matshwao a methang 

Timer;

Jeke (nkgonyana) e methang (e tshwailweng ka dimililitara); le

Theipi e methang.



Ke eng e ka sothwang? 

Molongwana (nozzle). Molongwana o lesobana le lenyane o tla ntsha sephalli se senyane papisong le molongwana o lesoba le leholwanyane. Molongwana o ka nna wa ba le paterone e sephara kapa e tshesane ya ho fafatsa. 

Kgatello ya sefafatsi. Ha o ntse o pompa ka matla, kgatello e a eketseha, mme sephalli se sengata se dumellwa ho tswa. Ha kgatello e ntse e eketseha, marothodi le ona a ntse a eba manyane. 

Ha o fafatsa ka terekere, kgatello ya pompo e angwa ke ho bidikoloha/motsotso (revolutions/minute) rpm.

Dikere (gears) tsa terekere di ama lebelo la terekere.

Mosebedisi wa terekere o tshwanetse ho etsa qeto mabapi le rpm hammoho le kere (gear) e tla sebediswa hore maemo ana a se fetohe hang ha metwa (matshwao a takilweng) e methang e se e entswe.

Fetola bongata ba tjhefo motswakong. Tjhefo e ngata e bolela disebediswa tse ngata tse sebetsang ka bongata bo le bong ba metsi.



Mokgwa wa ho etsa matshwao a methang 

Tlatsa tanka ya sefafatsi.

Etsa qeto hore ke kere efe e tla sebediswa le hore ka lebelo (rpm) lefe (mohlala, kere ya 4 ka lebelo la 200 rpm).

Metha sebaka sa dimithara tse 100.

Ka ho sebedisa kere eo, hammoho le lebelo (rpm) le nepahetseng, metha nako eo terekere e e nkang ho phetha dimithara tse 100 (mohlala, metsotswana e 21). 

Mathisa enjene terekere e ntse e eme. Etsa jwalo ka lebelo leo ho dumellanweng ka lona la 2 500 rpm. Hlahloba sebaka se fihlellwang mobung ka ho fafatsa.

Etsa hore kgatello sefafatsing e fane ka sephetho se lakatswang (mohl. 3 bar).

O ntse o sebedisa nako e le nngwe (mohl. Metsotswana e 21)e nkilweng ke terekere ho phetha 100 m, sebedisa sefafatsi, mme o methe bongata ba metsi a ntshwang ke molongwana o le mong (mohl. 1 200 ml / 1,2 lithara).

Pheta tshebetso ena ka melongwana e mmedi kapa e meraro, mme o fumane palohare.

Sebedisa bongata ba sephalli se tswang molongwaneng (mohl. 1 200 / 1,2 lithara), mme o atise sena ka palo ya melongwana (mohl. Melongwana e 12) e le ho tseba hore ke dilithara tse kae tseo o di fafatsang sebakeng se etsang 100 m (ka melongwana kaofela, 12 x 1,2 lithara = 14,4 lithara).

Metha bophara ba karolo e ntshang metsi (boom) (mohl. 4,7 m).

Jwale o tseba bophara boo o bo fafatsang, ebile o tseba bongata ba metsi a fafatswang bophareng boo, boleleleng ba dimithara tse 100.

Area e akaretswang ke sefafatsi boleleleng ba mithara tse 100: 100 m x 4,7 m = 470 sekwere methara (sq. m).

Re sebedisitse 14,4 lithara tsa metsi sebakeng sena.

Area ya hekthara e le nngwe = 10 000 sekwere methara (100 m x 100 m).

Volumo e tshwanetseng ho sebediswa hekthareng e le nngwe e tla ba 10 000 / 470 = 21,27 x 14,4 l / hekthara.

Leibole setshelong sa khemikhale e tla bontsha bongata ba metsi a hlokahalang hekthareng ka nngwe hammoho le palo ya dilithara tsa tjhefo tse hlokahalang hekthareng ka nngwe.

Ha o sebeditse dipalo tsa hao hantle, mme o lemoha bongata ba sephalli se ntseng se fafatswa ho ya ka tlwaelo, pheta tshebetso ena, mme o fetole kgatello ya sefafatsi kapa kere (gear) ya terekere kapa boholo ba molongwana.

Hang ha bongata ba metsi bo nepahetse, jwale o tlamehile ho fumana palo ya lithara tsa tjhefo e tshwanetseng ho kenyeletswa tankeng e nngwe le e nngwe ya sefafatsi.

Mohlala, tanka e tshwara dilithara tse 500 tsa metsi. Re tlamehile ho sebedisa dilithara tse 4 tsa tjhefo hekthareng ka nngwe. E tla ba 500 lithara / 306 (dilithara tse sebediswang hekthareng ka nngwe) ka makgetlo a 4 (dilithara tsa tjhefo hekthara ka nngwe).

Re tshwanetse ho eketsa 6,5 dilithara tsa tjhefo dilithareng tse ding le tse ding tse 500 tsa metsi. 

