Boom (Maize)										Sesotho

Difafaletsahole: Tseo o lokelang ho di tseba



Instructions:

Folio Strap: Metjhine

Byline: E hlophisitswe ho tswa Thutong ya Sethekgenike sa Ntshetsopele ya Bokgoni ya Grain SA ka Jane McPherson

Photos: Boom 1 (Look at original article to see where to put photo) 

Boom 2 (Look at original article to see where to put photo) 

Boom 3 (Look at original article to see where to put photo) 

Boom 4 (Look at original article to see where to put photo, replace the text) 

Boom 5 (Look at original article to see where to put photo) 

Boom 6 (Look at original article to see where to put photo) 



Kgatello (Pressure) e tlase

Marothodi a maholo

Kgatello e phahameng

Marothodi a manyane

Mefuta ya dipaterone tsa ho fafatsa

Sefafatsi sa khoune se lesoba 

Sefafatsi sa khoune se kwalehileng 

Sefafatsi se fatshe sa fene

Sefafatsi se lekanang

Sefafatsi se qauwang

Foreimi

Boom (sefafaletsahole)

Tanka

Hlahloba level ya oli

Gauge ya kgatello

Di-valve tse laolang

Di-valve tse laolang kgatello

Valve e timang/kgaolang

MELONGWANA E METJHA YA SEFAFATSI

Hlahisa kabo e lekanang ya sephalli ha ho palamana ho entswe ka tshwanelo.

MELONGWANA E KGATHETSENG YA SEFAFATSI

Eba le tshebetso e hlwahlwa ka sefafatsi se sengata se bokellaneng tlasa molongwana ka mong.

MELONGWANA E SENYEHILENG YA SEFAFATSI

Eba le tshebetso e sa tsitsang – ho hatellana le tshebetso e tlasa se lebelletsweng.

Setshwantsho 1: Paterone e fatshe ya sefafatsi sa mofuta wa fene

Setshwantsho 2: Paterone e atolositsweng ya sefafatsi se fatshe sa mofuta wa fene

Setshwantsho 3: Paterone e bulehileng ya sefafatsi se fatshe sa mofuta wa fene	 

Setshwantsho 4: Paterone e lekanang ya sefafatsi



Mabapi le tlhahiso ya dijothollo, hangata ho fafatsa ho sebedisetswa ho bolaya mahola, dikokwanyana kapa ho kenya manyolo a monngwang ke mahlaku. Ditabeng tsa lengolo lena re leka ho shebisisa dikarolo tsa sefafatsi se fafaletsang hole (boom sprayer), le hore se sebetsa jwang.



Ho fafatsa kgahlanong le mahola ho ka nna ha etswa pele mahola a mela, kapa hang feela ha a se a eme masimong. Sena se ntse se etsahala le ka diboko kapa dikokwanyana – ka nako e nngwe o fafatsa mobu hang feela ha o qeta ho jala, e le ha o bolaya dikokwanyana kapa diboko tse ka nnang tsa eba teng mobung; kapa o fafatsa dikokwanyana ka ho otloloha (hona ho bitswa ho fafatsa ha thetsano kapa kamano ka ha mokgwa ona o bolaya kokwanyana ka ho otloloha), kapa o ka nna wa fafatsa semela, mme ebe kokwanyana e a shwa. Ha e se e jele semela se tjhefo – kokwanyana e bolawa ke ho ja semela se tjhefo, eseng ke marothodi ka boona.



Ho tshwanetse ho elwa hloko hore sefafatsi se tshwanetse ho fafatsa ka sekgahla se itseng hekthara ka nngwe ha eba ho lebelletswe tshebetso e itseng. Ha se tshwanelo ho sebedisa tjhefo e nyane haholo hekthara ka nngwe hobane etlaba o ke ke wa fihlella tshebetso eo o e batlang. Le teng ha se hantle ho fafatsa tjhefo e ngata haholo hobane hoo ke ditshenyehelo tsa ngata, mme le kotsi e ka nna ya eba teng. 

Marothodi sefafatsing a ka nna a ba matenya kapa a ba masesanyane. Ha a le matenya ha a angwe ha bonolo ke moya, empa a tla imathela feela le ho tloha kapele hodima mahlaku. Ha ho sebediswa sefafatsi sa marothodi a masesanyane, metsi ha a mathe ha bonolo hodima mahlaku, empa marothodi a ka nna a fefolwa ha bonolo ke moya nakong eo ho fafatswang ka yona.

Ha sefafatsi se ntsha marothodi a masesanyane, se ntsha sephalli (liquid) se senyane – sa marothodi a matenya se ntsha sephalli se sengata. Sa marothodi a masesanyane se kgona ho fafatsa karolo e kgolo ya masimo ka mokgwa o phethahetseng. Sa marothodi a matenya se ka nna sa siya dikarolo tse itseng pakeng tsa marothodi, mme ka hoo dikarolo tse ding tsa masimo di ke ke tsa fihlellwa ka ho otloloha ke sona. 

Ke taba ya bohlokwa hore o fafatse mohatong o nepahetseng wa kgolo ya lehola kapa e nepahetseng ya tlhaselo ya diboko. Hape ho boetse ho bohlokwa ho latela ditaelo mabapi le nako ya letsatsi ya ho sebedisa sefafatsi, hammoho le tse kang sekgahla sa komello dimeleng. Ke mosebetsi o ke keng wa thusa letho ho fafatsa ha mahola a se a entse peo hobane mahola a selemo se hlahlamang a se a le teng, kapa ho emela mahola ho hlodisana le dimela mabapi le mongobo le menontsha, ebe e le hona o fafatsang; hape ha ho baballe letho ho fafatsa semela mabapi le kokwanyana e itseng ha eba ke dikokwanyana tse seng kae feela tse bonahalang. Le ha ho le jwalo, ke ho suha rapo la puleng ho emela semela hore se qetwe ke lehola, e be e le hona o reng o fafatsa diboko/dikokwanyana. 

Difafatsi di sebetsa jwang?

Melongwana

Melongwana e fapaneng ya difafatsi e entswe ka mokgwa wa ho hlahisa dipaterone tse fapaneng tsa ho fafatsa. Melongwana e fapaneng le ya boholo bo fapaneng e a fumaneha. Paterone e nkileng sebopeho sa fene, ka kakaretso e kgothaletswa ha ho fafatswa mobu. Paterone ya sefafatsi sa sebopeho sa khoune yona e atisa ho kgothaletswa ha ho fafatswa dimela ka ho otloloha.



Dipompo 

Pompo e hlokahala ho ntsha sephalli ka hara tanka ya sefafatsi. Pompo e tshwanetse ho hatella sephalli e le hore molongwana o kgone ho fafatsa jwalo ka ha ho batlwa.



Mefuta ya difafatsi

Difafatsi tse sebedisang mmele wa motho

Sefafatsi sa letsoho

Sefafatsi sa kgatello ya tanka

Sefafatsi sa mokotlana o jarwang

Difafatsi tse kgannwang ke motjhine

Sefafatsi sa mokotlana se kgannwang ke enjene

Sefafaletsahole (boom sprayer) se hokahantsweng le terekere

Difafatsi tse thuswang ke moya

Sefafaletsahole se thuswang ke moya

Sefafatsi sa moru

Difafatsi tse ikgethileng 

Sefafatsi sa letsoho sa disc atomizer

Sefafatsi sa disc atomizer se hokahantsweng le terekere



Dikarolo tsa difafaletsahole

Foreimi le tshepe tse telele tse fafatsang (boom)

Ho teng diforeimi tsa mefuta e fapaneng tseo ho tsona ho hoketsweng tshepe tse telele tse fafatsang. Ditshepe tsena di ka nna tsa phuthwa ha ho tsamauwa, le ho bulwa – sena se ka etswa ka matsoho kapa ka hydrolike. Foreiming ya sefafatsi, ho teng moo ho sothwang teng ha ho phahamiswa ditshepe tsena kapa ha di nyehlisetswa fatshe. Mona moo ho sothwang teng, ho fapana ho ya ka difafatsi, mme ho tse ding ho sebediswa hydrolike, ha difafatsing tse ding e le diboutu (bolts) tse sothwang.



Tanka e fafatsang 

Ditanka di tshwanetse ho etswa ka disebediswa tse sa tshabeng mafoome, jwalo ka tshepe e sa beng mafoome (stainless), tshepe e tlotsitsweng (galvanised) kapa fibreglass. Tse sebediswang ha ho letho le ka monyelang ho tsona, e leng se bolelang hore ho ke ke ha eba teng masalla a tjhefo a ka sallang ka tankeng. Ho bohlokwa ho lokisa ho senyeha hofe kapa hofe ho ka bang teng tankeng, haholoholo ho ka bakang mafoome, ka ha sena se ka kgannela ho dutleng ha tanka.



Pompo 

Pompo le dikarolwana tsa yona di tshwanetse ho ba maemong a lokileng a tshebetso. Di-seal, o-rings, kapa di-washere tsa matlalo kapa polasetike, di ka nna tsa omella, tsa honyela, haeba sefafatsi se sa sebediswe nako e teletsana, kapa se bolokilwe ka mokgwa o sa nepahalang. Sephalli (liquid) metswakong e meng ya dibolayakokwanyana se ka nna sa senya seal tsa pompo, e leng se ka qetellang ka ho dutla dibakeng tse potapotileng pompo, kapa hona ho etsa hore e se sebetse ka tshwanelo. Boholo ba dipompo bo tlotswa ka oli, mme ho bohlokwa hore tekanyo (level) ya oli e dule e hlahlojwa kgafetsa ho tiisa hore e dula e se tlasa maemo a kotsi.



Dipeipi 

Tlosa dipeipi tse seng di fedile, tse petsohileng, tse dutlang, mme o kenye tse ntjha bakeng sa tsona. Hopola, dipeipi tse sebedisitsweng mabapi le dibolayakokwanyana ha ho bonolo hore di ka dula ho hang di hloka masalla a seo. Ho tla dula ho ntse ho ena le masalla ho tsona. Tse tse lahlwang di tshwanetse ho lahlwa e le ka nnete, mme di se sebediswe hape bakeng sa mosebetsi o mong.



Disefe

Kamehla sebedisa disefe nakong eo sefafatsi se sebetsang ka yona. Tsena di sefa ditshila le mahlohlojane a ka nnang a thiba molongwana wa sefafatsi, mme tsa sitisa tshebetso e ntle ya sefafatsi.



Gauge tsa kgatello le dikarolo tse laolang 

Kgatello ya sephalli ka hara sefafatsi e dula e laolwa ke gauge (pressure gauge). Gauge e metha kgatello ya sefafatsi ka melongwana haeba e hoketswe pakeng tsa selekanyetsi (regulator) le melongwana ya sefafatsi. Se latelang ke hore phetoho e teng kgatellong hangata e supa phoso e teng kaekae tshebetsong. Etsa bonnete hore gauge tsa kgatello di maemong a lokileng a tshebetso. 



Ho teng valve ya tshohanyetso (pressure relief valve) e ka sebediswang ho fetola (eketsa kapa ho fokotsa) kgatello. E ka bula e le ho dumellla bongata bo batlehang ba motswako hore bo fihle melongwaneng, mme ho setseng ho kgutlisetswa morao tanking, kapa e ka bulwa ka hohlehohle, e leng se bolelang hore motswako wa sefafatsi o tla potapota le ho mathiswa ka hara sesebediswa . Ona ke mokgwa o bohlokwa haholo o thibelang metswako hore e se dule karolong a tlase ya tanka nakong eo e sa sebetseng ka yona. Hangata ho teng dipompo tse ding tse ka etsang hore dikarolo tse ding tsa sefafatsi di kwalwe, di se ke tsa sebetsa. Sena se dumella sefafatsi ho ka fafatsa sebaka se sesesanyane kapa se sephara.



Tse kenngwang (fittings) le ditlamellwa (clamps) 

Sesosa hangata sa ho dutla ke ha tse kenngwang di kgwehla kapa di petsohile. Etsa bonnete hore tse kenngwang le tse tlamellwang di tiile le ho tshireletseha pele sesebediswa se eba tlasa kgatello ha se pompa sephalli. Hang ha sesebediswa se le tlasa kgatello, hlahloba moo ho dutlang.



Dintlha tsa melongwana le dilaolamasoba (strainers)

Hlahloba melongwana nako le nako ho nnetefatsa hore ha e a thibana. Melongwana e seng e kgathetse e bolela hore ke khemikhale e ngatanyana e fafatswang, mme hangata sena se baka paterone e sa tsitsang ho fafatseng, le diphetho tse sa tsitsang. Masoba a melongwana a ka nna a fetoha, haholoholo ha ho sebediswa kgafetsa metswako e bohale, e kang diphofo tse kgonang ho ba mongobo. Kenya dikarolo tse ntjha ha ho bonahala hore ho fela (senyeha/kgathala) e se e le ho fetang ha molongwana o motjha ka 5-10%. 



