Banner										Sesotho

Ke sehlopha sefe sa boithuto se entseng folaga e ntle ka ho fetisisa?



Instructions:

Folio Strap: Dihlopha tsa boithuto

Byline: Jane McPherson, manejara wa Lenaneo la Ntshetsopele la Grain SA

Insert: Tlhodisano ya folaga e ntle ka ho fetisisa ya Sehlopha sa Boithuto sa Naha!



E nngwe ya diprojeke tsa bohlokwa tsa Lenaneo la Ntshetsopele ya Molemi ke ho hlongwa le ho hlokomelwa ha dihlopha tsa boithuto.



E mong le e mong wa bahokahanyi ba ntshetsopele provenseng o lebelletswe ho hloma le ho hlokomela dihlopha tsa boithuto tse 25 lebatoweng leo a ikarabellang ho lona:

Tonie Loots, karolong e ka Leboya-Bophirimela ya North West

Amos Njoro, karolong e Bohareng ya North West le Leboya la Foreisetata

Johan Kriel, Foreisetata yohle

Jerry Mthombothi, Mpumalanga, hammoho le

Philip Olivier, Kaapa Botjhabela.



Sepheo sa dihlopha tsa boithuto ke: Ho kgothatsa balemi ba tswelang pele, ba kgonang ho ba le mobu, ho hloma dihlopha tsa boithuto tse kopanang kgafetsa ho fumana kwetliso le tlhahisoleseding e mabapi le indasteri ya poone.



Kgetlo la pele, selemong sena, Johan Kriel o simollotse tlhodisano pakeng tsa dihlopha tsa boithuto mabapi le folaga e ntle ka ho fetisisa. Difolaga tsena di sebediswa dikopanong tsohle tsa sehlopha sa boithuto le matsatsing a balemi, ho fa balemi boitsebahatso le maikutlo a bonngwe. Ditshwantsho tse bontshwang mona di fana ka setshwantsho sa boleng ba difolaga tsena. Ka ha tlhodisano ena e ile ya tshwarwa feela Foreisetata, artikele ena e fetisetsa mohopolo ona le mabatoweng a mang.



Re tla ema re le malala-a-laotswe, re lebelletse ho romellwa difolaga tse tswang ho bahokahanyimmoho ba diprovense – Eka folaga e ntle ka ho fetisisa e ka ba yona e hlolang! 

