Ho tlaleha bonokwane Tshebeletsong ya Sepolesa sa Afrika Borwa
Mehato e latelwang
Molao o sebediswang
Maemo a tshebeletso
Ditjeo
Diforomo tse tlatsuwang
Dintlha tsa bao o ka iteanyang le bona
Tshebeletso ena e fuwa motho ofe kapa ofe ya leng lehlatsipa la bonokwane.
Tshebeletso ya Sepolesa sa Afrika Borwa e tla bula dokete ya nyewe e be ba batlisisa ka bonokwane boo, ba tshware babelaelwa e be ba isa nyewe makgotleng a dinyewe bakeng sa qoso.
Hodimo
Mehato e latelwang
Ha motho a bile lehlatsipa la bonokwane, yena a ka iteanya le mapolesa ka ho letsetsa nomorong ena 10111 kapa ka ho ya seteisheneng se haufi sa mapolesa ho ya tlaleha bonokwane.
Ha lepolesa le fihla sebakeng seo bonokwane bo etsahetseng ho sona, le tla nka setatemente ho motletlebi le ho dipaki ha ho kgoneha.
Lepolesa le tla be le se le ya seteisheneng sa mapolesa, le ristare nyewe bukeng ya mapolesa e tsejwang ka SAPS Crime Administration System e be le neha motletlebi referense e bitswang nomoro ya CAS.
Motletlebi o lokela ho etsa bonnete ba hore o boloka nomoro ena ya CAS jwalo ka referense ya dipatlisiso tsa nakong e tlang tse mabapi le nyewe ya bonokwane.
Ha motletlebi a ya seteisheneng s sebaka sa maponesa ho ya tlaleha bonokwane, yena o tla thuswa ke lepolesa ho Community Service Centre .
Lepolesa le tla qala ka ho buisana le motletlebi e be le nka setatemente ho tswa ho yena, e be le rejistara bonokwane boo bo tlalehuwang ho CAS.
Motletlebi o tla nehwa nomoro ya CAS e lokelwang ho sebediswa bakeng sa dipatlisiso tsohle tse mabapi le nyewe ya bonokwane e tlalehuweng.
Dokete ya nyewe e tlatsitsweng e nehwa lefokisi le tla fuputsa ka yona. Dipotso tsohle di lokelwa ho lebiswa ho lona lefokisi lena.
Lefokisi le tshwereng nyewe e itseng le tla phetha diphuputso e be le fana ka dokete lekgotleng le tshwanetseng la dinyewe bakeng sa qoso.
Lefokisi le tla tsebisa motletlebi hore o tshwanetse ho tla neng lekgotleng la dinyewe bakeng sa mamelo ya nyewe.
Hodimo
Molao o sebediswang
Hodimo
Maemo a tshebeletso
O tla thuswa ka potlako.
Hodimo
Ditjeo
Tshebeletso ena ke mahala.
Hodimo
Diforomo tse tlatsuwang
Lepolesa le nkang setatemente sa hao le tla tlatsa foromo.
Hodimo
Dintlha tsa bao o ka iteanyang le bona
