Ho arabela boipehing bo seng molaong mobung
Mehato e latelwang
Molao o sebediswang
Maemo a tshebeletso
Ditjeo
Diforomo tse tlatsuwang
Dintlha tsa bao o ka iteanyang le bona
Ka bobedi mobu wa mmuso le mobu o leng matsohong a porafete ho ka ipehwa ho ona ka tsela e seng molaong.
Mmuso o na le mosebetsi oo o o nehwang ke molao wa motheo ho etsa bonnete ba hore - moo ho hlokehang le haebe ho na le mehlodi ya thuso - baahi bohle ba natefelwe ke ditokelo tsa bona tsa motheo tsa ho fumana mobu le/kapa phumantsho ya matlo. Moo ho nang le mabaka a ikgethang a jwalo ka boipehi ka bongata bo boholo, mmuso o na le boikarabelo bo tshwanang ba ho thusa beng ba mobu wa poraefete hore ho sireletswe mobu wa bona.
Moo baipehi ba sa lateleng molao bao ditokelo tsa bona tsa motheo di seng kotsing ba tshwanelwa ho suthiswa, bolaodi ba mmuso bo ikarabelang bakeng sa mobu wa mmuso o amehang kapa monga mobu wa poraefete o lokela, hore ntle le qeaqeo, a ye lekgotleng la dinyewe ho ya fumana taelo ya ho suthisa ka ho ya ka Molao wa Thibelo ya ho Suthiswa ka tsela e seng Molaong Boipehing bo sa lateleng Molao Mobung, 1998 . Molao ona ha jwale o tsamaiswa ke Lefapha la Phumantsho ya Matlo.
Batho ba se nang mobu wa temo ba ka ya Lefapheng la Ditaba tsa Mobu bakeng sa thuso ya ho fumana mobu o tshwanetseng wa temo. Batho ba batlang matlo ba ka ya ho masepala wa sebaka kapa, ha ho hlokeha, Lefapha la provinse kapa la naha ho ya fumana thuso.
Lefapha la Ditaba tsa Mobu le tla:
ya lekgotleng la dinyewe ho ya batla taelo ya ho suthiswa ha baipehi bao ba seng molaong mobung wa mmuso o leng taolong ya ona ha feela ditokelo tsa motheo tsa baipehi bao ba seng molaong di sa sitiswe thusa baipehi ba seng molaong ba leng mobung ofe kapa ofe wa mmuso kapa wa poraefete ba hlokang mme ba se na mobu wa temo hore ba fumane mobu o tshwanetseng wa temo thusa bolaodi bo bong ba mmuso ho fumana mobu o mong o tshwanetseng bakeng sa baipehi bao ba hlokang matlo moo ho hlokehang le moo ho nang maemo a ikgethang, le tla thusa beng ba mobu wa temo wa poraefete oo ho ipehilweng mobung wa bona ntle le molao hore ho tloswe baipehi bao ba hlokang mobu wa temo o ya sebakeng se seng se tshwanetseng.
Hodimo
Mehato e latelwang
Moo ho ipehilweng ka tsela e seng molaong mobung wa poraefete mme ho se na maemo a ikgethang a leng teng, monga mobu o lokela ho ya lekgotleng la dinyewe ntle le tieho ho ya fumana taelo ya ho suthisa ka ho ya ka Molao wa Thibelo ya ho Suthiswa ka tsela e seng Molaong Boipehing bo sa lateleng Molao Mobung, 1998.
Moo ho ipehilweng ka tsela e seng molaong mobung wa poraefete mme ho se na maemo a ikgethang, monga mobu a ka ya ofising ya Lefapha la Ditaba tsa Mobu ho ya batla thuso haebe mobu oo o a hlokeha bakeng sa temo.
Moo ho ipehilweng ka tsela e seng molaong mobung wa poraefete mme ho se na maemo a ikgethang, monga mobu a ka ya ho masepala wa sebaka kapa, ha ho hlokeha Lefapheng la provinse kapa la naha la Phumantsho ya Matlo ho ya fumana thuso haebe tlhokeho ya bohlokwa ke ya kaho ya matlo.
Hodimo
Molao o sebediswang
Hodimo
Maemo a tshebeletso
Qalong, ho tla nka Bolaodi: Ba Ditshebeletso tsa Tshehetso ya Mobu wa Mmuso matsatsi a ka bang 14 ho setjha le ho hlwaya mobu o mong o tshwanelehileng. Le ha ho le jwalo, ka ho ya ka ditherisano le bathahaselli le kananelo ya letona, tshebetso e ka nka pakeng tsa dikgwedi tse pedi le tse tharo hore e phethwe.
Hodimo
Ditjeo
Ditjeo tse amehang bakeng sa ho fumana mobu o mong o tshwanelehileng di itshetleha ka mosebetsi ka mong. Dintlha tse jwalo ka boholo ba baahi bao mobu o batlelwang bona le ditjeo tsa mobu tikolohong eo ke dintho tse elwang hloko.
Hodimo
Diforomo tse tlatsuwang
Ha ho na foromo tse lokelang ho tlatswa.
Hodimo
Dintlha tsa bao o ka iteanyang le bona
