Mehato e latelwang
Molao o sebediswang
Maemo a tshebeletso
Ditjeo
Diforomo tse tlatsuwang
Dintlha tsa bao o ka iteanyang le bona
Crime Stop ke ditsi tse fapaneng tseo o letsetsang ho tsona tseo boikarabelo ba tsona e eleng ho bokella dintlha setjhabeng mabapi le ba etsang botlokotsebe mmoho le mesebetsi ya bona. Ditho tsa setjhaba di thuswa ke basebetsi ba ditsing tsena tseo o letsetsangho tsona ba rupelletsweng hantle haholo ditabeng tsa dipuisano tsa ho etsa dipatlisiso. Hona ho o dumella hore o tsebise ba Ditshebeletso tsa Sepolesa sa Afrika Borwa ka mesebetsi ya bao ba etsang botlokotsebe ka tsela e bolokehileng hape e se nang tshabiso. O ka dula o sa hlahise lebitso la hao ha o batla.
Ba latelang mehlala ya batho mmoho le di-agent tse shebaneng le boitsebiso ba bao ba letsang ha ba dumellwa ho Crime Stop bakeng sa ho tiisetsa hore bao ba fanang ka lesedi ha ba tsejwe. Tlhahisoleseding eo ho fanwang ka yona e romelwa mafokising.
Di-Crime Stop Call Centre tse mmalwa hape di hokahanya bao ba tlalehang ka ho toba le bafuputsi ka conference calling. Hona ho etsa hore mofuputsi a kgone ho buisana le motho ya tlalehang taba ka ho toba.
Ela hloko: hona ho etswa feela ka tumello ya hao.
O ka tlaleha hape le ketso tsa botlokotsebe ka mokgwa wa elektroniki weposaeteng ya South African Police Service oo hape o tiisetsang le ho se tsejwe ha motho ya tlalehang, ntle le haebe ho boletswe ka mokgwa o mong.
Hodimo
Mehato e latelwang
Agent ya call centre e tla ho tataisa dipotsong mme ha tlhahisoleseding eo o faneng ka yona e ka sebediswa, o tla ho neha khoutu eo e leng ya hao o le mong.
Haebe tlhahisoleseding eo ha eso be le molemo ka nako eo, agent e tla hlalosa lebaka e be e ho eletsa hore o ka fumana jwang dintlha tse ding.
Tlhahisoleseding e sebedisehang e amahngwa le nomoro ya khoutu eo o e fuweng.
O tla kotjwa hore o letsetse mohala ho Crime Stop nomorong ena 08600 10 111 nakong eo o tla e bolellwa hore o botse hore na dintlha tseo di a sebetsa le hore na o a tshwaneleha bakeng sa moputso.
Nakong e tlang, agent e tla bua le wena ka nyewe feela haebe nomoro ya khoutu eo o faneng ka yona e nepahetse mme le boitsebiso ba hao bo tsamaelana le "profaele" e rekotong.
Agent e tla kgaola mohala ka potlako haebe a kgotsofetse hore ha o motho eo a neng a bua le yena pejana. Hona ke mohhato wa tshireletso mme o ke ke wa fetolwa.
Ha o tlaleha botlokotsebe ka mokgwa wa elektroniki, tlatsa foromo ya ho fuwa maikutlo weposaeteng ya SAPS. Ho tla hlaha nomoro ya referense hang ho ba o romele foromo.
Crime Stop e tla hokahana le yuniti e tshwanetseng ya dipatlisiso bakeng sa ho sala taba morao, ka kopo ya hore ba fane ka tlaleho ya ho qala dihoreng tse 24 mme sephetho sa diphuputso sona se tswe ka potlako ka ho ya ka moo ho ka kgonehang
Ha o tshwaneleha mme hape o kopile moputso, mofuputsi o tla beha moputso le tshebetso ya ho tleleima ka ho ya ka National Information 2/2001.
Ha moputso o se o lokile, ba Crime Stop ba tla iteanya le wena ho hlophisetsa ho leshwa.
Hodimo
Molao o sebediswang
Hodimo
Maemo a tshebeletso
Jwalo ka ha ho hlokeha ka ho ya ka maemo a amohelehileng a matjhaba a Crime Stopper, ha ho na boitsebiso ba nomoro kapa mekga e meng e latelang mehlala e dumelletsweng meahong ya Crime Stop ka ha hoo ho ka sitisana hampe haholo le dikamano tse nang le tshepo tse mabapi le tumellano ya ho se tsejiswe lebiso la motho ya tlalehileng e pakeng tsa ba SAPS le motho eo.
Crime Stop e tla neha yuniti e tshwanetseng ya dipatlisiso lesedi leo ho fanweng ka lona hore e tle e kgone ho latela taba, ka kopo ya hore e fane ka tlaleho ya ho qala dihoreng tse 24 le sephetho sa dipatlisiso ka potlako ka ho ya ka moo ho ka kgonehang.
Ha o tshwaneleha mme o bile o kopile moputso, mofuputsi o tla beha moputso e be o sebetsana le tleleime ka ho ya ka NI 2/2001.
Ha moputso o se o lokile, ba Crime Stop ba tla iteanya le wena ho hlophisetsa ho leshwa.
Hodimo
Ditjeo
Mehala ho tswa selfounung : mohala o lefiswa ka ditekanyetso tse tlwaelehileng tsa diselfounu
Hodimo
Diforomo tse tlatsuwang
Ha ho hlokehe hore o tlatse foromo efe kapa efe ka ha botlokotsebe bo tlalehwa ka thelefounu. Le haho le jwalo, ha o tlaleha botlokotsebe weposaeteng ya SAPS, tlatsa foromo ya elektroniki ya ho tlalehelwa hape.
Hodimo
Dintlha tsa bao o ka iteanyang le bona
