﻿

Kopo ya phemiti ya bao ba batlang tshireletso ya sepolotiki


Tlhaloso 



Kopo ya tshireletso ke kopo e etswang ke mokopi hore a nkuwe jwalo ka mophaphathehi.



Motho ya batlang tshireletso ke motho ya balehileng naheng ya habo ka tshabo ya ho qoswa , mme a batla hore a nkuwe jwalo ka mophaphathehi – nqeng ena mona Afrika Borwa. Mokopi o dula a ntse a le motho ya kopang tshireletso ya sepolotiki ha ho ntse ho elwa hloko kopo ya hae.



Motho ya batlang tshireletso o nehwa asylum transit permit e ke keng ya ntjhafatswa makenong a Afrika Borwa . Phemiti e sebetsa bakeng sa matsatsi a 14mme e dumella monga yona hore a itlhahise ofising e haufi ya baphaphathei e leng Refugee Reception Office  hore a ilo etsa kopo ya tshireletso.



Mophaphathehi ke motho ya fuweng boemo ba tshireletso ka ho ya ka Molao wa Baphaphathehi, wa 1998.



Ha o batla ho tseba haholwanyane, e ya ho ba Department of Home Affairs. 





Mehato e lokelwang ho latelwa 



Motho ya batlang tshireletso, o etsa kopo ka boyena ofising e beuweng ya baphaphathehi e leng RRO, moo tla etsuwang ho latelang:
Ho lekolwa mokopi pele

Ho nkuwa dikgatiso tsa menwana ya mokopi
Ho fumanwa toloko 

Puisano ya pele e tsamaiswa ke Mohlanka wa Kamohelo ya Baphaphathehi e leng Refugee Reception Officer e be ho tlatswa foromo ya BI-1590.
Phemiti ya motho ya batlang tshireletso e ya hatiswa, e saenwe, e kengwe setempe e be e fuwa motho ya batlang tshireletso.
Phemiti e sebetsang bakeng sa matsatsi a 30, e tla dumella motho ya batlang tshireletso ho dula mona Afrika Borwa nakwana. Phemiti e ka atoloswa hape bakeng sa matsatsi a mang a 30 e be ka mora moo dikgwedi tse tharo.
Pele ho nako ya ho fela ha phemiti ya hae ya tshireeso, motho ya kopang tshireletso o lokela ho itlhahisa ho RRO bakeng sa puisano ya bobedi, e tla tsamaiswa ke Moofisiri ya Hlwayang Boemo ba Baphaphathehi e leng Refugee Status Determination Officer .
RSDO o tswela pele ka hlahlobo ya kopo mme a etse qeto mabapi le kpo ya tshireletso.
Ha a ka fuwa tshireetso, mophaphathehi o lokela ho etsa kopo ya smart card ID ya baphaphathehi ho RRO ofe kapa ofe matsatsing a 15.
Ka mora ho fuwa karata, mophaphathehi a ka etsa kopo ya tokomane ya ho eta e tsejwang ka United Nations Convention Travel Document  ho RRO ofe kapa ofe.
Boemo ba bophaphathehi bo nka dilemo tse pedi, empa mophaphathehi o lokela ho ngola lengolo a kope tekolo botjha kapa katoloso ya nako ya boemo ba bophaphathehi dikgwedi tse tharo pele ho nako ya ho fela ha boemo boo ba bophaphathehi.

Molao o sebediswang 



Refugee Act, 1998  Molao wa Baphaphathehi
Khonvenshene ya UN ya 1951 e amanang le Boemo ba Baphaphathehi
Khonvenshene ya OAU ya 1969 e Laolang Dintlha tse Ikgethang tsa Mathata a Baphaphathehi Afrika
Prothokholo ya 1967 e amanang le Boemo ba Baphaphathehi
Tumellano ya Motheo ya 1993 pakeng tsa Mmuso wa Afrika Borwa le UNHCR
The Immigration Act, 2002  as amended Molao wa Bofalli jwalo ka ha o fetotswe

Maemo a tshebeletso



Dikopo di ka nka dikgwedi tse tsheletseng.

Ditjeo



Tshebeletso ena ke mahala.



Diforomo tse lokelwang ho tlatswa 



Kopo ya tshireletso ya sepolotiki, BI-1590



Dintlha tsa bao o ka iteanyang le bona 




