Lomklomelo wabelwa izakhamuzi zaseNingizimu Afrika ezikhombise ikhono eleqile ezindimeni zemisebenzi yobuciko, yamasiko, yemibhalo noma izincwadi zokufunda, yomculo, yokulobela amaphephandaba kanye neyemidlalo.
Isigaba sesithathu = Insimbi eyinhlanganisela yezinsimbi.
Isithelo segude (Ikhamanga) sifanekisa ubuhle obukhulu bempumelelo yamadoda namakhosikazi aphakamisela iNingizimu Afrika phezulu ezindimeni zokukhanda izinto ezintsha, zemisebenzi yobuciko, yamasiko, yomculo, yokulobela amaphephandaba kanye nezemidlalo.
Amakhanda ase Lydenburg - ubuciko - amakhanda e terracotta amele ubuciko bokubona nomsebenzi wokwakha ubuciko kanye nekhono lokudlala umdlalo esiteji phambi kwezibukeli.
Isigubhu saseAfrika - ihambelana nawo onke amasiko kanye nemisebenzi yobuciko. Ifanekisa isiphiwo esikhulu ngezindlela zokuxoxelana izindaba kanye nokugubha amasiko ethu.
Isiqongo / Ilanga - umqhele ufanekisa ikhanda elethweswe izinsiba ezigqokwa ngabadlali kanye nabantu basebukhosini nabantu abahloniphekile. Imisebe yelanga echaza amandla amakhulu, inkazimulo, ukukhanya konke loku kumele impumelelo yabadlali ezindimeni ezahlukahlukene.
Isiyingelezi esithi asifane neqanda esingaphakathi - (Inkazimulo emidlalweni) zifanekisa ukuvuma ukuthi abantu baphumelele kahle kakhulu ezindimeni zemidlalo namasiko.
Imigwaqo - (Impumelelo nesasasa) - imele yonke imigwaqo eya eAfrika lapho kwadabuka khona abantu okufanekisa indlela ende eya ekuphumeleleni kanye nobuqabavu.
