
Kopo ya thekontle ya dikhemikale


Tlhaloso

Fa o batla go dira thekontle ya dikhemikale mo Aforika borwa, o tlhoka tetla e e kgethegileng go tswa go Bodiredi jwa Dikgwebo le Intaseteri kgotsa boemedi jwa bona. Tona o tla swetsa fa go le mo molemong wa baagi go dira thekontle ya dikhemikale.

Taolo ya thekontle e e dirwang malebana le tirelo e ke go kgona go laola boitekanelo le tshireletsego, le gore badirise ba tlhokomele pabalesego ga mmogo le boleng jwa dikhemikale. Ntlha nngwe ke go netefatsa gore dikhemikale di dumelana le maemo a ditlhokego tsa tikologo.

Fa o batla tshedimosetso e nngwe gape,o ka ya go International Trade Administration Commission

Dikgato tse di latelwang

Tlatsa diforomo tsa kopo tse o tla di fiwang kwa Lefapheng la Dikgwebo le Intaseteri.
Isa khopi e e kanisitsweng ya lekwaloboitshupo la gago ga mmogo le lekwalo fa o dira kopo mo boemong jwa khamphane.
Isa diforomo tsa kopo go Bokaedi: Taolo ya Dithekontle le dithekisontle.

Molao o dirisiwang

International Trade Administration Act, 2002  

Boemo jwa tirelo

Go ka tsaya malatsi a le mararo go konosetsa kopo ya gago.

Tlhotlhwa

Tirelo e ga e duelelwe.

Diforomo tse di tladiwang

Application for importation of chemicals 
Annexure to H464 application for importation of chemicals 

Lefelo, bodirelo, diaterese le megala


