

Kopo ya tumelelo ya thekisontle


Tlhaloso

Tumelelo ya thekisontle e a tlhokega go netefatsa gore motho kgotsa setlamo se se ikaelelang go dira thekisontle ya dithoto ba latela melawana e e beilweng ya dikutlwano tsa boditshabatshaba tse di beilweng. Ditumelelo tsa thekisontle di thusa gape ka togamaano ya taolo ya go ntshiwa ga dithoto le go lemoga dithoto tsa bogodu le tse di rekisiwang ka bokhukhuntshwane.

Pholisi ya dithekontle le dithekisontle tsa dithoto e e dirisiwang e farologana go tswa mo lekokong go ya go le lengwe. Ntlha e nngwe ke gore, dithoto tse dintshwa ka bontsi, di golotswe mo dikgatong tsa taolo ya dithekontle. Ka jalo, fa o tlhoka tshedimosetso malebana le pholisi ya dithekontle le dithekisontle tsa dithoto tse di rileng, tswee-tswee, ikgolaganye le ofisi ya Taolo ya Dithekontle le Dithekisontle e e leng kwa Lefapheng la Dikgwebo le Intaseteri.

Ga se dithoto tsotlhe tse di tshwanetseng go tlhatlhobiwa ke ba taolo ya dithekontle le dithekisontle. Le fa go ntse jalo, dithoto tsotlhe tse di dirisitsweng, tsa masalela ga mmogo le dikgeregere  di tshwanetse go tlhatlhobiwa ke ba taolo ya thekontle. Go na le lenane la dithoto tse di tshwanetseng go feta ka fa tlase ga taolo ya dithekontle le dithekisontle . Fa o ka naya ba Lefapha dintlha tsa gago tsa bodirelo, diaterese le mogala wa gago, lenane le ka romelwa kwa go wena, la fekesiwa kgotsa la romelwa ka emeile.

Fa o batla tshedimosetso e nngwe, o ka ya go International Trade Administration Commission.

Dikgato tse di latelwang

Ikgolaganye le ba Taolo ya Dithekontle le Dithekisontle mo Lefapheng la Dikgwebo le Intaseteri.
Tlatsa diforomo tsa kopo tse o tla di bonang go tswa kwa Lefapheng la Dikgwebo le Intaseteri.
Romela diforomo go Bokaedi: Taolo ya Dithekontle le Dithekisontle.

Molao o dirisiwang

International Trade Administration Act, 2002  

Boemo jwa tirelo

Go ka tsaya malatsi a le mararo go konosetsa kopo ya gago ya tumelelo ya dithekisontle.

Tlhotlhwa

Tirelo e ga e duelelwe.

Diforomo tse di tladiwang

Application for export permit: motor vehicle Kopo ya tumelelo: sejanaga
Application for export permit: ferrous and non ferrous waste and scrap Kopo ya tumelelo ya thekisontle ya masalela a ditshipi ga mmogo le dikgeregere
Application for an export permit general goods Kopo ya tumelelo ya thekisontle:dithoto ka kakaretso


Lefelo, bodirelo, diaterese le megala

