NNA KGATLHANONG LE TIRISODIKGOKA
Tirisodikgoka kgatlhanong le baagi ba batswantle ke bosenyi!
Puso e ka se dumelele mofuta ofe kapa ofe wa tirisodikgoka kgatlhanong le mongwe le mongwe!
A re dirisaneng go tlhola botshelo jo bo botoka go botlhe ba ba nnang mo Aforika Borwa.
A re dirisaneng go aga bokgoni jwa rona le go tlhola ditiro.
A re dirisaneng go fenya bosenyi.
A re tlotleng botlhe bao ba etelang kgotsa ba nnang mo Aforika Borwa.
Fa o itse ka ga ditlhaselo dingwe tse di rulagantsweng kgatlhanong le baagi ba batswantle ba ba nnang mo Aforika Borwa, tsweetswee letsetsa seteišene sa mapodisi se se gaufi le wena kgotsa fa e le tshoganyetso letsetsa 10111.
NNA KGATLHANONG LE TIRISODIKGOKA
A RE DIRISANENG GO THIBELA TIRISODIKGOKA
KGATLHANONG LE BAAGI BA BATSWANTLE
Tirisodikgoka mo baaging ba batswantle ba ba nnang mo Aforika Borwa e ka se tswele ope mosola. Batho ba ba se nang molato go le gantsi ke batswasetlhabelo - disenyi go le gantsi di a ngwega. Fao o itse ka tiragalo ya bosenyi - e begele bothati jo bo maleba.
O se ke wa itseela molao.
Puso e ikuela mo baaging go nna ba thantse le go bega ditiragalo dingwe le dingwe tsa tirisodikgoka le letlhoo la batswantle.
Go tsholwa ga Sejana sa Lefatshe sa FIFA sa 2010 ka katlego go tsholeditse serodumo sa Aforika Borwa le kontinente kwa baa-ging ba boditšhabatšhaba. Naga e itemogetse koketsego e kgolo ya palo ya baeng mo nageng mme se se tokafaditse bokgoni jwa yone jwa dipeeletso tseo di tla tlholang ditiro.
Tirisodikgoka nngwe le nngwe mo nageng ya rona e tla busetsa morago diphitlhelelo tsotlhe tse re di dirileng mo go tsholeng Sejana sa Lefatshe. Lefatshe le re lebeletse thata jaanong.
Tirisodikgoka ga se tharabololo ya sepe.
