Profile (Maize)										Setswana 
Itse…Victor Mahlinza
Instructions:
Folio strap: Tsa botshelo
Byline: Jurie Mentz, mogokaganyi wa porofense wa Lenaneotlhabololo la Balemirui la Grain SA 
Photo: Use pic of Victor
Sibongile Victor Michael Mahlinza o tsaletswe kwa Estcourt ka 14 Phukwi, 1961 le go golela mo kgaolong ya Ntabamhlophe. O simolotse thuto ya gagwe ya poraemari ka 1968 kwa sekolopotlaneng sa Cornfield. Ka 1976 o ne a tsena kwa sekolosegolong sa Mtshezi kwa a weditseng Kereiti 11 ka 1982. 
Ka 1983 o ne a swetsa go ya Johannesburg kwa a dirileng teng jaaka mokwaledi wa rakonteraka wa moagi sebaka sa ngwaga. Victor o ne a ya go direla setlamo sa dikhemikale jaaka rasetoro gona mo Johannesburg go fitlha ka 1986. Go tloga 1987 go ya 1988 Victor o ne a thapilwe jaaka mokgweetsi wa teraka ke M & L Distributors. Go tloga ka 1986 go ya 1995 o ne a nna rakonterakammotlana wa AMCA Construction a ba tsamaisetsa dikuno. Mo go 1996 Victor a swetsa go nna montshakuno mme a boela gae. O ne a simolola temothuo mme a dirisa dipholo go lema dijalo tsa gagwe. O rekile terekere ya gagwe ya ntlha ka 2003.
Botshelo jwa lelapa
Victor o nyetse Linah mme ba tshegofaditswe ka bana ba le batlhano, basetsana ba bararo le basimane ba babedi. Fikile (26) o na le bana ba le babedi. Sizwe (19) o weditse kereite 12 mo Pietermaritzburg kwa Kholetšheng ya Temothuo ya Zakhe le go wetsa khoso ya temomerogo kwa Kholetšheng ya Buhle mo Delmas mme gajaana o dira le Victor mo polaseng ya gagwe. Zandile (15) o mo kereiting ya 9 kwa Sekolosegolong sa Abantungwa mme Mpumelelo (11) o mo kereiting ya 4 mo Sekolopotlaneng sa Mathamo.
Victor gape o tlhomile Norah lotlhokwa mme ba na le bana ba le bararo; mosimane a le mongwe le basetsana ba le babedi. Ayanda (24) o weditse kereiti ya 12 kwa Sekolosegolong sa Mtshezi le go bona Setifikeiti sa N3 mo Civil Engineering kwa Kholetšheng ya Botegeniki ya Berea kwa Durban. Ayanda le ena o dira le rraagwe mo polaseng ya gagwe. Barwadie ba babedi Thokosile (20 gajaana o mo kereiting ya lesomenngwe kwa Sekolosegolong sa Abantungwa mme Bongeka (12) o mo kereiting ya 6 kwa Sekolopotlaneng sa Mathamo.
Victor o na le diterekere tse pedi; Massey Ferguson 440 4 x 4 le Massey Ferguson 5465 mme gape o na le bene ya Colt 2.8. O tlaa atlega thata mo temothuong ka gore o goletse mo tikologong ya temothuo. O na le ponelopele mme o sebete se se lekaneng go mekamekana le dikgwetlho tsa go nna montshakuno.
O tsaya kae madi go lema dijalo tsa gagwe?
Victor ga a dirise baadimamadi mme o tlamela dijalo tsa gagwe ka madi a gagwe se e leng bothata mo go ena gajaana, ka gore o dirisa lefatshe la morafe bogolo le go hira diheketara di ka nna lesometlhano tsa temo mo moleming wa mogwebi.
O bona ditsenngwateng tsa gagwe kae?
O reka ditsenngwateng tsa gagwe tsotlhe go tswa TWK kwa Winterton le dikhemikale tsa gagwe kwa Farmers Agri-Care mo Winterton. Victor o reka peo ka tlhamalalo go tswa kwa Pannar le Monsanto mme o itumelela thata tirelo e a e bonang go tswa batlameding ba ditsenngwateng. 
Seabe sa Puso mo temothuong ke eng mme e se diragatsa jang? 
Victor o bona seabe sa Lefapha la Temothuo mo kgaolong ya gaabo e le se se siameng jaaka le mo naya kemonokeng e e siameng le go bona Lefapha la Temothuo la selegae le thusistse bantshakuno go lemela ba SAB mmidi o mohibidu. Katlego ya gagwe mo temothuong ke ka ntlha ya togamaano e e siameng le go dira ka natla. 
Ke eng se a bonang e le matshosetsi mo tswelelopeleng le katlegong ya gagwe?
O lemoga fa matshosetsi a magolo a tswelelopele ya gagwe e le go tlamela ka matlole dijalo tsa gagwe go tswelelela go fitlha kwa kgatong ya thekiso. Ditshenyegelo tsa badiri le tsona di tshwentse thata.
Ke dintlha dife tsa temothuo ya gagwe tse a ratang go di tokafatsa?
Victor o rata go tokafatsa thuo ya dikgomo le dipodi tsa gagwe gonne o bona se e le ntlha ya botlhokwa go tsepamisa temodijalo ya gagwe. Togamaano ya pholoso ya gagwe monongwaga ke temothuo ya mefutafuta; e leng go jalela Nestle ka konteraka mmidi, dinawa, merogo le tšhikori.
