Price (Maize) (350 words)								Setswana
Seemo sa tlhotlhwa sa gajaana mo togamaanong ya ntshokuno ya mmidi
Instructions:
Folio strap: Tlaleletsoboleng
Byline: Kgannyana e rometswe ke montshakuno yo o rotseng tiro
Dikgannyana tse di fetileng mo go Pula/Imvula, di totobaditse dikgato tse di tlhokegang mo go swetseng gore ke motswako ofe wa dijwalo tsa selemo o o tshwanetseng polase ya gago, go tsewa tsia togamaano ya metswedithuso, kgonommu, togamaano ya thefosanyodijalo le ditlhotlhwa tsa mmaraka tsa isagwe. Pula/Imvula ya kgwedi e, e tlaa gatisa metseletsele ya dikgannyana tse di amang bantshakuno ba ba sweditseng go akaretsa mmidi mo setlheng sa selemo se se tlang sa ntshokuno ya dijwalo.
Ditlhotlhwa tsa isagwe tsa mmidi o mohibidu le o mosweu di ne tsa gwalalanyana mo go Phatwe 2011, ka seemo sa ditlhotlhwa tsa isagwe sa R 1 840 sa mmidi o mohibidu le sa mmidi o mosweu sa R 1 815, sa kgoroso ya mmidi mo go Phukwi 2012. Ka jalo re ka berekela mo go R1 615 ka tono ya mmidi go ka tsena mo kgwatlheng ya montshakuno ka tlhotlhwatuelelo ya thoro ya R215 go ya R225 ka tono.
Bolengtlhotlhwa jwa mmatota jo bo bonweng jwa mmidi jo bo romelwanG ntle ka puo ya molomo bo akanyediwa go ka nna R 1 717 ka tono. Se se itsege jaaka tlhotlhwatekanyo ya thomelontle e e akanngwang. Bolengtlhotlhwa jwa mmatota jo bo bonweng go romela mmidi teng bo ka nna R 2 894 ka tono go gorogela kwa Randfontein. Se se itsege jaaka tlhotlhwatekanyo ya thomeloteng e e akantsweng. Re ka dumelana ka jalo gore tlhotlhwa ya selegae ya gajaana le isagwe e thaetswe mo botengtekanyo jwa thomelontle. 
Se se supa gore go sa ntse go na le lefitiso la mmidi mo mmarakeng wa selegae wa rona le gore go na le keletso e e siameng malebana le go nna teng ga mmidi mo setlheng se se latelang. Tlhomamiso ya tlhotlhwa e tsaya tsia dintlha tsa ntshokuno tsotlhe jaaka maemo a tlelaemete le a mmu, patlego ka badirisi, setoko se se gona le mmidi o o sa ntseng o tshwanetse go gorosiwa, kelokananyo le dikelomorokotso tsa selegae mo khepetleleng e e adimilweng, ga reng ga tse dingwe. 
Boleng jwa mmidi wa bofelo go gorosiwa kwa difaleng go tswa bantshakunong, bo ka tswa bo le kwa tlase ka ntlha ya dipula tse dintsi tse di amogetsweng mo setlheng sa thobo mme gape bo ka tlhola gore ditlhotlhwa tsa fa tshimong tsa mmidi wa boleng jo bo siameng di tlhatloge. Gakologelwa ka gale gore dintlha tsotlhe tse di ka fetoga ka nako eo mmidi o tlaa robiwang ka yona ngwaga o o tlang ka Phukwi 2012.
