Mechanisation									Tswana



Didiriso: tsa gago, tsa khiro kgotsa khiriso



Instructions:

Folio strap: Tirisometšhine

Byline : E baakantswe go tswa Kaeding ya Kgwebo ya Temothuo ke Jane Mc Pherson



Molemirui wa segompieno o gabalalela gangwe le gape go nna le kgono le nonofo mabapi le tiriso ya tota ya diterekere, dirobi le metšhine e e tsamaelanang le tsona.



Se, se boammaaruri tota mo ditirong tsa tshugommu. Kgolo ya segompieno mo metšhineng e mentšhwa, e e ka bonwang kwa Letsatsing la Thobo la NAMPO ngwaga le ngwaga, e bontsha moele wa koketsego ya maatla (horse power) kgotsa tekanyo ya dikhilowate tsa metshine ya polase e e tsamaisiwang ke enjene. Se se akaretsa bogolo (size) le mothamo wa metšhine, e ka nna terekere, sedirafuru se se itsamaisang, mogoma o o gogwang wa diforo tse dintsi kgotsa megoma ya didiseke tsa meno a a sephara.



Ditshenyegelo tsa go nna mong wa metšhine le go reka e mengwe e e emelang, gammogo le dipereko tsa temo le tlhagolo, di oketsega ka lebelo thata. Ditshenyegelo tsa go sa tlhagoleng ka nako di ka tlhola tatlhegelo ya dijalo kgotsa thobo ya dijalo e e kwa tlase ga palogare.



Go kgona go fitlhelela maitlhomo a ntshodikuno ya dijalo le tse dingwe jaaka a tlhagisitswe mo tlhamoleanong ya polase, mo go diriseng maitlhomo a metswedithuso le matlole, go botlhokwa go rulaganya go ya ka bokgoni jwa didiriso tse di gona. Morago ga go wetsa lenaneothoto la didiriso tse di gona, molemi o tlaa itse gore ke diterekere tsa tlelase le bogolo bofe tse di gona le tekanyo ya dikhilowate tsa nngwe le nngwe.



Bogolo jwa diterkere le kgonokgogo ya tsona kgotsa maungotiriso a tsona, di tshwanetse go sekasekwa mmogo le bogolo le kgonotiro ya didiriso tse di gona. Fa se se setse se dirilwe, go ka lekanngwa dipholo go ya ka nako e e tserweng mogolemeng, go repeng, go deseng, go tlhagoleng le go jaleng.



Molemi jaanong o ka dira ditshwetso di le mmalwa gore a o na le didiriso tse di lekaneng kgotsa nnyaya. O ka nna a tshwanela go hira kgono ya tlaletso kgotsa a hira borakonteraka go dira ditiro tse dingwe tsa motheo. Sekao, go ka tswa go ka nna ditshenyegelotlase go hira rakonteraka wa terekere e kgolo ka didiriso tse di e tshwanelang, go dira temo ya motheo, go repela kwa teng kgotsa ditiro tsa go desa. Molemi jaanong o ka feleletsa ditiro tsa tshugo tse di setseng a dirisa didiriso tsa gagwe e bile gongwe tse dipotlana. (Leba khoso ya borakonteraka tsweetswee, go bona tshedimosetso go ya pele).



Molemi o tshwanetse go swetsa magareng ga go nna, ka boena, le didiriso tsotlhe go wetsa ditiro tsotlhe tse di rulagantsweng ka nako, go hira didiriso tsa tlaletso tse di tlhokegang kgotsa go dirisa tsa borakonteraka. Ditshenyegelo tse di tlhomameng tsa go nna le didiriso tsotlhe, bogolo jang mo baleming ba ba simololang, mabapi le kwelotlase ya boleng, makgetho, bobolokelo, inšorense le tsalo, di tshwanetse go tsewa tsia mokgweleo wa matlole o o imelwang ke kgwebo mo go dueleng dikadimo tse di dirilweng go bona didiriso tsa tlaleletso, di ka kgoreletsa kgwebo le go e tsenya mo mathateng a a boitshegang a matlole. Fela gape le gona tlhoka go didiriso go ka raya go tlhoka go jala dijalo le go di roba ka nako.



