Machinery (Maize)								Setswana
Tlhokomelo ya metšhine ya gago fa lethuuthuu le fedile
Instructions:
Folio strap: Tlamelo
Byline: Tshedimosetso e bonwe go tswa Khosong ya Tlamelo ya Terekere le Didiriso tsa Polase 
Mo setlheng sa tshemelelo sa selemo, ka gale go mo lebelong la go bona tiro yotlhe e dirilwe mo nakong e e leng teng. Bogolo jang mo setlheng sa selemo se se fetileng se pula e tlile thari, ka jalo nako e e teng e ne e le botlhokwa go gaisa.
Ka gale, mo nakong e ya ngodiego, tlamelo le phepafatso ya diterekere le didiriso e tlaa kwa bofelofelong jwa lenaneo la ditlapele. Jaanong ka lethuuthuu le fedile, tsaya nako go tlhokomela didiriso tsa gago. 
Tlamelo mo didirisong tsotlhe
Tlhatswa mmu, leswe le makgome a kirisi mo didirisong mme o pente gape mafelo a a kgobogileng le a a onetseng. Se se thibela rusu go senya sediriso le go leelefatsa botshelo jwa sona.
Logetsa motšhine/sediriso sotlhe jaaka go atlanegisiwa mo kaeding ya modirisi.
Mo polokelong e e sireletsegileng, fa go na le dikarolo tse di phuthegang, di digele fa fatshe. 
Sireletsa botlase le dikouletere kgatlhanong le rusu ka go di mota ka kirisi kgotsa ka pente e e thibelang rusu ya botlase jwa mogoma.
Dira lenaneo la dikarolo kgotsa dipaakanyo tse di tlhokegang. Di reke le go di tsenya pele ga setlha se se latelang. 
Fa go kgonegang teng boloka didiriso ka fa gare, mme o tlose bokete mo dithaereng. 
Baya diboto ka fa tlase ga matlase go thibela kamano le lefatshe le go rusa.
Tlosa diselentara tsa haeteroliki kgotsa o golole diselentara gotlhelele go thibela diroto tsa selentara go rusa.
Tlamelo ya polantere 
Thulo e e tshwanetseng ya polantere ya dijalo ka mela e ka raya pharologano magareng ga poelo mo dijalong kgotsa tatlhegelo e e boitshegang. Tlhopho, jalo, katelo le tiisetso ya peo ke ditiro tse di masisi le botlhokwa thata mo ntshokunong ya dijalo. Fa polantere e sa dire sentle ka ntlha ya tlamelo e e bokoa, gona dipholo tse di ka bonwang e tlaa nna thobo e e kwa tlase go na le e e neng e solofetswe. 
Tsholola le go phepafatsa dibokoso tsa monontsha, dibolayatlhatshana le dibolayasenyi, gammogo le matlase a dihopha tsa peo go thibela go rusa le jego.
Tlhola dikarolo tse di onetseng le tse di robegileng le go di baakanya pele ga setlhajalo se se latelang. 
Tshasa dibulaforo, dikhabara tsa dikara le diseke le dikgaolo dife le dife tse di pholetšhilweng ka oli kgotsa kirisi go thibela rusu. 
Logetsa diberiing tsotlhe. 
Lotlelela dimakhase mo kemong ya go tsamaya le go boloka polantere mo kagong. Boloka polantere ka maotwana a sa kgome lefatshe kgotsa bodilo.
