Communication (Maize) 							Tswana



Go tlhaeletsana le montshadikuno



Instructions:

Folio Strap : Lenaneotlhabololo la balemirui

Byline: Jane McPherson, Motsamaisalenaneo wa Lenaneotlhabololo la Balemirui la Grain SA.



Lenaneotlhabololo la Balemirui le tsweletse go tsaya matsapa go tlhaeletsana le wena – montshadikuno. Ditsela tse di farologaneng go akaretsa lokwalodikgannyana la Pula/Imvula, dikgaso tsa radio, DVD, dibenara tse di ka tsholwang, diphousetara le dipampitshana tsa tshedimosetso, di dirisiwa go fitlhelela montshadikuno.



Pula/Imvula 



Re baakanya, ntsifatsa le go phasalatsa lokwalodikgannyana lo lwa kgwedi le kgwedi (lwa ditsebe tse 8 le ditshwantsho tsa mmala o o feletseng), ka dipuo di le supa – English, Afrikaans, Setswana, Sesotho, Sesotho sa Leboa, Sethosa le Sezulu.



Pula/Imvula ke porojeke e e tswelelang e e nang le modiko wa kgatiso – dikgannyana tsa tshimologo di baakanngwa ka Seesimane, di bo di romelwa kwa ditirelong tsa tshedimosetso koo thulaganyo ya karolo ya Seesimane e dirwang gona. Dikgannyana di bewa ka mananeo ka sebopego se se nepagetseng go ya diphetolelong, mme tsona di romelwe kwa bafetoleding ba barataro. Tsona morago di romelwa gape kwa go ba ditirelo tsa tshedimosetso gore dipuo tse dingwe le tsona di tle di rulaganngwe. Fa di setse di rebotswe, di romelwa kwa bagatising le go phasaladiwa ka mmetela. Modiko o o tsaya go ka nna kgwedi tse pedi go o digela.



Monongwaga re atolositse Pula/Imvula go akaretsa dijalo tse dingwe – re na le dikgatiso tsa kotara tsa tlaleletso tsa ditsebe di le nne mo go Sedimonthole, Mopitlwe, Seetibosigo le Lwetse tsa Ntshodikuno ya Korong mo Foreisetatabotlhaba, tse di etleediwang ke ba Terasete ya Disirele tsa Mariga. Gape le dikgatiso tsa kotara tsa tlaleletso tsa ditsebe tse nne mo go Ferikgong, Moranang, Phukwi le Diphalane tsa ntshodikuno ya Sonobolomo tse di etleediwang ke ba Terasete ya Tlhabololo ya Dipeo tsa Oli le Poroteine.



Dipampitshana le diphousetara tsa tshedimosetso



Go phasalatsa tshedimosetso ya madirelo mo maphateng otlhe a a nang le kgatlhego le go amega mo lenaneong – go na le bantshadikuno le balemisi ba bantsi ba ba tlhokang go itse ka lenaneo le, le ka ga eng le gona ba ikopanye le mang go bona tshedimosetso. Dipampitshana tsa tshedimosetso di baakantswe le go ntsifadiwa mo dipuong tse supa (Seesimane, Seaforikanse, Sethosa, Sezulu, Setswana, Sesotho le Sesotho sa Leboa). Dikhophi tsa dipampitshana di neilwe dikantoro tsa porofense tsotlhe mme di newa maphata otlhe a a nang le kgatlhego. Dipampitshana tse di ne di le teng kwa NAMPO mme di tlaa tswelela go dirisiwa ka gale.



DVD



Go dirilwe DVD ya metsotso e le robedi ka lenaneo le mme e dirisitswe sentle thata mo ngwageng o. Ka nako ya moletlo wa NAMPO, re ne ra laleletsa “ditsala tsa lenaneo” dipontsho tsa ntlha tsa DVD mme tsibogo ya bona e ntse e e nametsang. Dikhophi tsa DVD di setse di neilwe bagokaganyi ba tlhabololo ba diporofense botlhe gammogo le bakatisi mme di ka bonwa nako nngwe le nngwe fa go kgonega. Kwa pitsong nngwe ya setlhophathutano kwa Foreisetata, Johan Kriel o ne a bontsha DVD e, mme bantshadikuno ba lopa go e bontshiwa makgati a mararo – ba ne ba itumeletse go bona kgolo ya lenaneo.



“Pull-out banners”



Go tshwaraganwe le go dira “pull-out banners” mme di tlaa dirisiwa ke Motsamaisi wa Porofense mongwe le mongwe kwa dipitsong tsa ditlhophathutano le malatsi a bantshadikuno.



Dikgaso tsa radio



Re dirisa dikgaso tsa radio beke le beke mo diteišeneng tsa radio di le nne go fetisetsa tshedimosetso ya madirelo kwa bareetsing ba bantsintsi.



