Boom (Maize)								Tswana



Dikgatshi tsa “boom”: sotlhe se o tlhokang go se itse



Instructions

Folio Strap : Trisometšhine 

Byline : E baakantswe go tswa Khosong ya Tlhabololo ya Bokgoni jwa Setegeniki ya Grain SA ke Jane McPherson

Photos :  Boom 1 

 		 Boom 2 

 		 Boom 3 

 		 Boom 4 

 		 Boom 5 

 		 Boom 6 

Kgatelelo e e kwa tlase

Marothodi a magolo

Kgatelelo e e kwa godimo 

Marothodi a mannye

Mefuta ya dipaterone tsa sekgatshi

Sekgatshi sa khoune e e legolo

Sekgatshi sa khoune e e komota

Sekgatshi sa fene se se phaphathi

Sekgatshi se se lekalekanang 

Sekgatshi se se penololang (Flooding)

Foreime 

“Boom”

Tanka 
Tlhola selekanyo sa oli

Selekanyokgatelelo

Dibelofotaolo

Belofotaolo ya kgatelelo

Belofo e e tswalang 

DINTLHANA (TIPS) TSA SEKGATSHI TSE DINTŠHWA 

Di ntsha phatlalatso e e lekalekanang fa di lomagantswe ka tshwanelo.

DINTLHANA TSA SEKGATSHI TSE DI ONETSENG

Di na le dikuno tse di kwa godimo ka kgatsho e e betaganeng ka fa tlase ga ntlhana nngwe le nngwe.

DINTLHANA TSA SEKGATSHI TSE DI SENYEGILENG

Di na le kuno e e fetofetogang – “overlapping and underapplying”.

Setshwantsho 1 : Paterone ya sekgatshi sa fene se se phaphathi 

Setshwantsho 2 : Paterone ya sekgatshi sa fene se se phaphathi sa motseletsele o o 

atolositsweng 

Setshwantsho 3 : Paterone ya sekgatshi sa fene se se phaphathi sa khutlo e e sephara

Setshwantsho 4 : Paterone ya kgatsho e e lekalekanang



Mabapi le ntshodikuno ya dijalo, kgatsho gantsi e dirisediwa go bolaya mefero, go bolaya ditshenekegi kgotsa go tshela phepomatlhare (monontsha o o monyelwang ka matlhare). Mo kgannyaneng e re sekaseka dikarolwana tsa sekgatshi sa ‘boom” le gore se bereka jang.



Go kgatshetsa mefero go ka dirwa pele mefero e tlhoga (kgatsho ya pele-ga-tlhogo), kgotsa fela fa mefero e setse e eme mo masimong (ya morago-ga-tlhogo). Sona se se ka diragala ka ditshenekegi le dibokwana – ka dinako tse dingwe o kgatsha mmu fela morago ga jalo go bolaya ditshenekegi le dibokwana tse di ka bong di le mo mmung; kgotsa o kgatsha ka tlhamalalo mo ditshenekeging (se se itsege ka kgatshokamano mme e bolaya ditshenekegi ka tlhamalalo), kgotsa o ka kgatsha semela mme tshenekegi e swe morago ga go ja semela se se botlhole (se se bidiwa kgatsho ya thulaganyo) – tshenekegi e bolawa ke go ja semela se se botlhole mme e seng ke marothodi ka boona.



Go botlhokwa go tlhaloganya gore kgatsho e tshwanetse go dirwa ka kelo e e rileng ka heketara fa e tshwanela go nna le phitlhelelo e e batlegang. Ga go a siama go tshela botlhole jo bonnye ka heketara ka gore ga o ne o fitlhelela dipholo tse di batlegang, fela gape ga go a siama go tshela botlhole jo bontsi ka gore go tlhotlhwagodimo thata e bile go ka nna kotsi.



Marothodi mo sekgatshing a ka nna makima kgotsa mannye. Fa marothodi a le makima gona ga a kitla a amiwa ke phefo thata, fela gape gona a tlaa relela ka bonako mo matlhareng. Kgatsho ya marothodi a masesane ga e relele bonolo mo matlhareng, fela a ka phailwa ke phefo ka nako ya tshelo.



Fa kgatsho e le ya marothodi a masesane, gona o tlaa dirisa seedi se sepotlana – fa a le makima o tlaa dirisa seedi se sentsi. Kgatsho ya marothodi a masesane gantsi e akaretsa kgaolo ka botlalo fa e le gore ka marothodi a makima gona kgaolo e e fa gare ga marothodi e ka nna kgolo ka jalo dikgaolo dingwe di ka nna tsa se fitlhelelwe ka tlhamalalo.



Go botlhokwa thata gore o kgatshe ka nako ya kgatôkgôlô e e siameng (ya mofero) kgotsa ka tlhaselo e e kwa godimo (ya ditshenekegi). Go sa ntse gape go le botlhokwa go latela ka botlalo ditaelo tse di amanang le nako ya letsatsi e kgatsho e ka dirwang ka yona, le dintlha tse dingwe jaaka ngodiego ya komelelo mo dijalong. Ga go mosola go kgatsha mefero e setse e ungwile ka gore dijalo tsa mofero tsa ngwaga o o tlang di setse di le foo, kgotsa gona go emela mofero go gaisanela le dijalo bongola le dikotla, o bo o kgatsha; gape ga go fokotse ditshenyegelo go kgatshetsa dijalo tshenekegi e e rileng fa go bonala ditshenekegi di se kae fela. Gape le gona ga go mosola go ema go fitlhelela dijalo di setse di kgaphogile pele o kgatsha ditshenekegi.



Dikgatshi di dira jang?

Dinosele 

Dinosele tsa sekgatshi tse di farologaneng di dirilwe go ntsha dipaterokgatsho tse di farologaneng. Go na le dinosele le bogolo jwa dinosele jo bo farologaneng. Fa go kgatshiwa mmu go gakololwa gore go botoka go dirisa paterokgatsho ya sebopego sa fene, fa e le gore paterokgatsho ya sebopego sa khoune yona e ka dirisiwa fa go kgatshiwa mo dimeleng.



Dipompo

Pompo e a tlhokega go ntsha seedi mo tankeng ya sekgatshi. Pompo e tlhoka go dira kgatelelo mo seeding gore nosele e kgone go kgatsha go ya ka modiro wa yona.



Mefuta ya dikgatshi

Dikgatshi tsa diatla 

Sekgatshi sa letsogo

Sekgatshi sa tanka ya kgatelelo 

Sekgatshi se se sikarwang

Dikgatshi tsa maatla

Sekgatshi se se sikarwang se se pompiwang ke enjene

Sekgatshi sa “boom” se se tsamaisiwang ka terekere

Dikgatshi tse di thusiwang ka mowa

Sekgatshi sa “boom” sa mowa

Sekgatshi sa otšhate

Dikgatshi tse di kgethegileng

Atomizer ya diseke e e tshwarwang ka letsogo

Atomizer ya diseke e e tsamaisiwang ka terekere



Dikarolwana tsa sekgatshi sa “boom”

Foreime le di-boom

Go na le mefuta ya diforeime e e farologaneng e di-boom di gokeletsweng mo go yona. Di-boom di ka phuthiwa fa go tsamaiwa ka tsona le go bulwa – e ka nna tsa haeteroliki kgotsa tsa diatla. Mo foreiming ya sekgatshi, go na le ditshetelo tse di ka dirwang go tsholetsa kgotsa go diga di-boom. Ditshetelo tse le tsona di farologana go ya ka sekgatshi le sekgatshi mme dingwe di laolwa sehaeteroleki fa mo go tse dingwe go na le thulaganyo ya diboutu tse di ka setelwang.



Tanka ya sekgatshi

Ditanka di tshwanetse go bo di dirilwe ka dimetheriale tse di ka emelanang le jego, sekao, “stainless steel, galvanised steel kgotsa fiberglass”. Dimetheriale tse di dirisitsweng gantsi ga di tswelelele, mo go rayang gore ga go kitla go nna le masalela a botlhole mo tankeng morago ga tiriso. Go botlhokwa go baakanya tshenyego nngwe le nngwe mo tankeng, bogolosegolo tse di 

ka tlholang jego, ka se se ka isa kwa go dutleng.



Pompo

Pompo le dikarolwana tsotlhe tsa yona e tshwanetse ya bo e le mo maemong a tiriso a a siameng. Disili tsa pompo, direng tsa O, kgotsa diwašara tsa khapo tsa letlalo kgotsa materiale wa risitemetiki di ka oma le go gonyela fa sekgatshi se na le nako e telele se sa dirisiwe kgotsa se sa bolokwa ka tshwanelo. Setlhaolosi mo metswakong mengwe ya dibolayatshenekegi se ka senya disili tsa pompo, se se ka tlholang go dutla go dikologa pompo kgotsa go pompa go go bokoa.



Dipompo tse dintsi di logediwa ka oli, mme go botlhokwa thata gore selekanyo sa oli se tlholwe gangwe le gape go tlhomamisa gore se fa godimo ga letshwao la minimamo.



Mathumpo

Emisetsa mathumpo otlhe a a phanyegileng kgotsa a dutlang ka a a siameng. Gakologelwa-mathumpo a a dirisitsweng go tshela dibolayasenyi ga a kitla a kgona go phepafadiwa gotlhelele. Go tlaa sala ka gale go na le masaledi a sebolayasenyi mo go ona. A a ntshitsweng a tshwanetse a latlhiwe ka tshwanelo mme a se ke ka gope a boa a dirisediwa tiro nngwe gape.



Difeletara 

Dirisa difeletara ka gale fa sekgatshi se dira. Tsone di sefa leswe le dikarolwana disele tse di ka thibanyang dinosele le go fokotsa tiragatso ya sekgatshi.



Dilekanyakgatelelo le Dilaolakgatelelo

Kgatelelo ya seedi mo thulaganyong ya sekgatshi e beilwe leitlho (lekanyediwa) ke selekanyakgatelelo. Selekanyi se lekanya kgatelelo ya sekgatshi ka dinosele fa se tsentswe magareng ga selaolakgatelelo le dinosele tsa kgatsho. Kwa bofelong, phetogo ya kgatelelo e ka raya kgonego ya go sa direng sentle. Netefatsa gore dilekanyakgatelelo di mo maemong a tiro a a siameng e bile di khaleboreitilwe sentle.



Go na le belofo ya namolokgatelelo mo thulaganyong e e ka dirisiwang go setela kgatelelo mo thulaganayong. E ka bulwa go letlelela selekanyo se se tlhokegang sa motswako wa sekgatshi go fitlhelela dinosele, mme o o salang wa boela mo tankeng, kgotsa e ka bulwa gotlhelele, se se rayang gore motswako wa sekgatshi o tlaa dikolosiwa mo thulaganyong. Se ke ntlha ya botlhokwa e e thibelang ditswaki tse di tshelang go ikgata kwa tlase mo tankeng fa go ikhuditswe. Gale go na le dithepe tse dingwe tse di ka tswalang sekgatshi go ya dikarolong tse dingwe tsa sekgatshi tse di letlang kgaolo ya kgatsho e tshesane kgotsa sephara.



Digokaganyi le ditlelempe

Digokaganyi tse di sa bofegang le tse di phanyegileng gantsi ke tsona motswedi wa go dutla. Netefatsa gore digokaganyi le ditlelempe di bofegile sentle pele ga go baya thulaganyo mo kgatelelong le go pompa seedi. Gangwe fela fa thulaganyo e le mo kgatelelong, tlhola mo go ka dutlang.



Dintlhana tsa nosele le disefo

Itlwaetse go tlhola dinosele go netefatsa gore ga di a thibana. Dinosele tse di onetseng di raya gore go kgatshiwa khemikale e ntsi mme gantsi go tlhola dipateronekgatsho tse di sa tsamaelaneng le dipholo tse di sa tlhomamisegeng. Diphatlhana tsa nosele le tsona di ka fetoga, bogolosegolo fa metswako e e jang, jaaka dipoere tse di kolobediwang, di dirisiwa gangwe le gape. Di emisetse ka tse dingwe fa konalo e baka gore kelelo e fete ya ntlhana e ntšhwa ka 5-10%.



