YBB e fa batlhatlheledi ba ba itlhaotseng dikabelo






YBB e fa batlhatlheledi ba ba itlhaotseng dikabelo

Moporof Jaco Kruger wa Sekolo sa Mmino ka mo khampaseng ya Potchefstroom le Ngaka Linda Theron wa Bosaense jwa Thuto wa khampase ya Vaaldriehoek fela maloba ka moletlo wa kabelo o o kgatlhisang ba ne ba tlhophilwe e le batlhatlheledi ba ba fentseng ka mo dikhampaseng tsa bone.

Ka moletlo o e ne e le sa ntlha go fiwa kabelo e ya Setheo ya go ruta le go ithuta morago ga Yunibesiti ya Bokone-Bophirima e bopiwa ka 2004.  Batlhatlheledi ba ba 34 ba khampase ya Potchefstroom le ba ba tlhano ba khampase ya Vaaldriehoek ba amogetse Kabelo ya Setheo ya go Itlhaodi ka go Ruta(KSIR) e e bidiwang Institusionele Toekenning vir Onderriguitnemendheid (ITOU) ka Seaferikanse.

Mo dikabelong tse go na le ba ba 14 ba ba amogetseng KSIR ya Prestige mme ba ba 20 ba amogetse ya KSIR mme ba le tlhano ba amogetse dikabelo tsa Porokerama ya Tlhabololo ya go Itlhaola ka go Ruta.

Ngaka Ngoato Takalo, Motlatsatlhogo wa YBB le Mokaedi wa Khudutamaga: Go ruta le go Ithuta a re KSIR e ikaeletse go tlhotlhetsa batlhatlheledi ba ruri ba akatemi ba ba rutang ka mo dikopanong tsa diphaposiborutelo ka mo YBB gore ba bontshe gore mekgwa ya bone ya go ruta e arabela ditlhokego tsa mokgwa wa go ruta wa OBE le gore go ruta ga bone go ka diragatsa thuto itumedisang ka mo karolong ya thutogodimo.

Makoko a katlholo a a bopilweng ke tokololo go tswa mo khomiting ya go ruta/ kharikhulomo ya fakalti, moitse-serutwa yo mogolo gammogo le tokololo go tswa mo uniting ya tlhabololo ya akatemi le kemonokeng a ne a atlhotse baikwadisi mo kgaisanong ya KSIR ka katlholo ya balekane.  Keriteria ya KSIR e na le katlholo ya popontshwa le boitlhaodi ka mo kopanong ya go ruta, se baithuti ba se reng le go atlhola potefolio ya motlhatlheledi.  Tlhotlheletso ya tiriso ya thekenoloji ka mo go ruteng le yone e ne e lebeletswe.

Molawana wa KSIR le dithulaganyo tsa yone di amogetswe ke Senata ya Setheo ka Motsheganong wa 2006 mme morago ga moo ga simololwa go tlhomela tiro ya KSIR.  Molawana o o tlhomelwa le kwa khampaseng ya Mafikeng ka 2006 le 2007.  Jaanong jaana go na le batlhatlheledi ba babedi fela ba ba ikwadisitseng ka mo tirong ya KSIR.  Ba simolotse porokerama ka 2006 mme ba tla e fetsa ka 2007.  Ngaka Takalo o tlhotlheletsa baakatemi ba khampase eo go ikwadisetsa porokerama e ka 2007. Se e ka nna karolo e nngwe ya tiro ya Motlatsa-tlhogo ka 2007 go kgweetsa porokerama e ka gore e ka thusa gape go bopa bongwe ka mo YBB e re e batlang rotlhe.


Moporof Jaco Kruger wa Sekolo sa Mmino (mo gare) o tlhophilwe e le motlhatlheledi wa mampodi ka mo khampaseng ya Potshefstroom ya YBB.  Fa go ene go na le Ngaka Theuns Eloff, Motlatsakhansele wa YBB le Ngaka Susan Coetzee-Van Rooy, Mokaedi: Tlhabololo ya Akatemi le Tirelo ya Kemonokeng(Setheo).


Badirimmogo ba khampase ya Vaaldriehoek ba ba neng ba jele moletlo wa KSIR e e ntle. Kwa morago go na le Ngaka Pieter Mller le moporof Piet Prinsloo, Moreketoro wa khampase ya Vaaldriehoek. Mo pele go tswa molemeng go na le ngaka Elsa Fourie, moh. Daleen Gerber le ngaka Louisa Meyer. Bo-ngaka Fourie le Meyer ba amogetse dikabelo tsa KSIR ka bobedi jwa bone.

