Batsamaisi bagolwane ba tla thapiwa gautshwane






Maryke Steenkamp, (Link: mailto:bkkms@puk.ac.za) 26 Phukwi 2004

Batsamaisi bagolwane mo maemong a a latelang a Yunibesiti ya Bokone-Bophirima ba tla thapiwa gautshwane. Go latela tshwetso ya Khansele ka 18 Seetebosigo 2004 ya go thapa batsamaisi bagolwane mo maemong a a latelang, badiri ba ga jaana ba ne ba lalediwa go tsenela dikopo-tiro tsa botsamaisi bogolwane. Dikopo di ne tsa tswalelwa ka la 20 Phukwi 2004 mme ditlhagiso/dikopo tse 15 di ne tsa amogelwa mo maemong a Motlatsa-Mogokgo, maemo a mararo a bareketoro ba Khampase, Mokwadisi wa Setheo, Mokaedi wa Setheo: wa Dit s helete le Didiriswa, Mokaedi wa Setheo: wa tsa go Dira ka Badiri le tsa Merero ya Baithuti gammogo le Motsamaisi wa Setheo: wa Tlhaeletsano-Tshwaragano.

Dikopo tse di amogetsweng (ka tatelano ya alefabete)

Prof. AL Combrink, Me GC Legodi-Bogatsu, Prof. MW Legotlo, Me S Letsoalo, Prof. SN Mashego, Mnr S Myburgh, Dr T Ngwenya, Prof. PJJ Prinsloo, Prof. IJ Rost, Dr MN Takalo, Dr TM Thiba, Prof. CFC van der Walt, Prof. F van Niekerk, Prof MS Zibi.

Komiti ya Khansele e tla netefatsa jaanong gore ke bafe ba bakopa-tiro ba, ba ba kgotsofatsang ditlhokego-potlana jaaka di phasaladitswe. Bakopa-tiro ba ba atlegileng ba tla lalediwa ka nako eo go tsenela ditlhatlhobo tsa bokgoni le tsa botlhalefi. Go lebisitswe mo ditlamoragong/dipholong tsa tsona, Komiti ya Khansele e tla garela maina a bakopatiro ba ba tla lalediwang go tsenela dipotsolotso. Dipotsolotso tse di rulagantsweng di tla tsenelwa morago ga gore go bonwe kgakololo ya Senoto le ya Foramo ya Setheo mo go tlhokegang. Mabaka a a tla tswewang tsia a tla akaretsa bokgoni, maitemogelo, tekatekano, kago-se s wa le tsweletsopele. Tsamaiso ya go thapa e tla latela ditogamaano tsa go tsaya ka go akaretsa, sekao. go tsepamisa bontlhopheng ba ba siametseng ditiro go gaisa le maemo a a lolea.

