YBB e amogela diranta di le R7.2 mileone tsa dibasari tsa borutabana






YBB e amogela diranta di le R7.2 mileone tsa dibasari tsa borutabana

Lefapha la Thuto le ntshitse diranta di le R7.2 mileone go ya kwa Yunibesiting ya Bokone-Bophirima mme se ke karolo ya porokerama ya Fundza Lushaka Bursary Programme for Teachers.

Se se tla thusa bithuti ba ba 180 go ithuta mo YBB mme mongwe le mongwe wa bone a amogele palogare ya R40 000 mongwe le mongwe.

Lefapha la Thuto le ntshitse diranta di le R120 mileone mo Aforika-Borwa ka bophara mo porokerameng ya Fundza Lushaka Bursary Programme for Teachers mo 2007/2008 mme madi a porokerama yotlhe ke diranta di le dimileone di le R700 mo dilemong tse tharo tsa 2007/2008 go 2009/2010. Dibasari di belwa thoko go arabela tlhokego ya barutabana ba maemo a a kwa godimo ka mo dirutweng le ka mo ditikologong tse di tlhokang.

Go tlhaola baamogedi go tla diriwa ke YBB gammogo le dipuisano le Lefapha la Thuto la porofense. Diporokerama tse di lebelelwang ke tsa: BEd, PGCE(Setifikeiti ya Morago ga Dikerii) le didekerii tsa BA/BSc/BCom/BTech tse di nang le dirutwa tsa sekolo tse di isang kwa porokerameng ya PGCE.

Basari ya Fundza Lushaka e tla duela madi a go ikwadisa, a dithuto, a dibuka, a go tsamaya, a madulo le dijo jaaka go ka tlhokega. Fa moithuti a tlhaolwa o na le tshwanelo ya go ya go ruta mo dikolong tsa mmuso mme se e le khonteraka ya tiro e e leng karolo ya tumelano ya basari.

Dibasari di tla tsamaisiwa ke NFSA(National Student Financial Aid Scheme (NFSAS).

