﻿YBB e tsaya karolo mo porojekeng ya dikgomo tsa Nguni






YBB e tsaya karolo mo porojekeng ya dikgomo tsa Nguni

Ka mo porojekeng ya tirisanommogo magareng a YBB (Yunibesiti ya Bokone-Bophirima), Lefapha la Temothuo le Pabalelo le Tlholego ka mo porofenseng le IDC (Industrial Development Corporation of South Africa) ya diranta di ka nna R2 mileone dikgomo tsa Nguni di le 96 di ile tsa abelwa go balemirui ba ba bokamoso ba bantsho.

Baabelwa mongwe le mongwe o filwe dikgomo di le 24 tsa madi a R247 000 ka mo moletlong wa Labotlhano ka 20 Ferikhong kwa polaseng ya Machavie gaufi le Potchefstroom.

Kakanyo e e simolotswe semmuso ka Tlhakole wa 2006 ka maikaelelo a go busetsa mofuta o o thata o wa dikgomo tsa Nguni ka mo porofenseng.

Tiro ya YBB, thata Sekolo sa Boitekanelo jwa Diphologolo le Tsalo ya Diphologolo kwa khampaseng ya Mafikeng go ema baabelwa nokeng ka bokgoni jwa ditegeniki le boitsegotlhe jwa saense le go fana ka katiso go thusa baabelwa go nna balemi ba kgwebo ruri.

YBB gape e ka bona mosola ka mo porojekeng ka gore baithuti ba Sekolo sa Boitekanelo jwa Diphologolo le Tsalo ya Diphologolo ba ka dirisa dikgomo tse mo diporojekeng tsa bone tsa patlisiso.



Tse dingwe tsa dikgomo di le 96 tsa Nguni tse di neng tsa abelwa baabelwa.



