﻿Thobo e e itumedisang ya baithuti ba ngwaga ya ntlha






Thobo e e itumedisang ya baithuti ba ngwaga ya ntlha

Jaaka go badiwa go ka ikwadisa baithuti ba ngwaga ya ntlha ba ba 5650 monongwaga mo YBB.

Mo palong e go tla ikwadisa ba ba 1500 mo khampaseng ya Mafikeng, ba ba 750 kwa khampaseng ya Vaaldriehoek mme 3400 ka mo khampaseng ya Potchefstroom.

Baithuti ba ngwaga ya ntlha ba tla amogelwa semmuso mo khampaseng ya Potchefstroom ka Lamatlhatso ka 20 Ferikhong 2007 ke moreketoro moporof. Annette Combrink. Kwa khampaseng ya Mafikeng moreketoro, moporof. Dan Kgwadi o tla amogela ba ba ntshwa ka Mosupologo wa 22 Ferikgong. Baithuti ba ngwaga ya ntlha ba tla amogelwa semmuso kwa khampaseng ya Vaaldriehoek ka Labotlhano wa 2 Tlhakole ke moreketoro, moporof. Piet Prinsloo.

Morago ga go amogelwa semmuso baithuti ba ngwaga ya ntlha ba dikhampase tse tharo ba tla tsamaisiwa porokeramo ya kitsiso le kamogelo gore ba tloele mo tikologong e e ntshwa ya bone.

Ka mo dikhampaseng tsa Mafikeng le Potchefstroom porokeramo e ya kitsiso le kamogelo e tla simolola ka Mosupologo wa 22 Ferikhong. Beke e ya baithuti ba ngwaga ya ntlha kwa khampaseng ya kwa Vaaldriehoek e tla simolola ka 2 go fitlhela 9 Tlhakole mme a tla fetswa ka khonsarata ya baithuti ba ngwaga ya ntlha kwa Holong e kgolo ya Morafe wa Vereniging.

