﻿Yunibesiti e thapa botsamaisi bogolwane






Shamiela Letsoalo (Link: mailto:bkksl@puk.ac.za), 18 Seetebosigo 2004

Yunibesiti ya Bokone-Bophirima e tsere kgato e kgolo ka go nna ya ntlha ya ditheo tse di kopantsweng go simolola tirego ya go thapa botsmaisi bogolwane ba yona.

Setheo se tsere maemo a a kwa pele ka go amogela tirego ya go thapa botsamaisi ba bagolo kwa kopanong ya bona ya Khansele gompieno. Kgato e, e tserwe ka nako e go nang le dipotso di le dintsi tse di mabapi le tshireletsego ya ditiro le boleruri jwa tsona mo badiring ba ditheo tse di kopaneng le tse di kopanngwang mo Aforika Borwa. Kwa kopanong ya yona gompieno, modulasetilo wa Khansele, Rre Litha Nyhonyha o boletse fa tshweetso e, e bontsha gape gore ke eng kopano ya Yunibesiti ya Bokone-Bophirima e eteletse pele karolo e ka ntlha ya go tlhomama/nitama, thuto ya boleng le dipatlisiso. Go ya ka Rre Nyhonyha kgatelopele e e dirilwe ka go supa dikgatlhegelo tsa go netefaletsa le go tsosolosa maikemisetso a badiri.

Tirego ya go thapa badiri ba bagolo e tla okamelwa ke komiti ya Khansele, e e tla dirang dikatlenegiso go Khansele ka ga bakopatiro ba ba maleba mo maemong ao. Diphatlhatiro di akaretsa maemo a Motlatsa-Mogokgo, bareketoro ba dikhampase, mokwadisi wa setheo le bakaedi ba setheo. Diphatlhatiro tse di tla phasaladiwa ka mo gare mo Yunibesiting fela, mo e leng gore morago ga fao bakopatiro ba ba maleba ba tla tsenela diteko tse di tlhokegang tsa bokgoni le tsa botlhalefi. Ka se se le fa pele ga rona, Komiti ya Khansele e latela maano a go akaretsa sk. Go lolamisa batho ba ba leng teng le diphatlhatiro tse di lolea. Dipotsolotso tse di rulagantsweng di tla dirwa mo mabakeng a e leng gore go na le bakopatiro ba ba fetang bongwe mo tirong e le nngwe. Mabaka a a tla tsewang tsia a tla akaretsa bokgoni, maitemogelo, tekatekanyo, kagose s wa, go tswelela pele le ka dikgakololo tsa ga motlatsa-mokanseleri, Foramo ya Setheo le Senoto le dikomiti tsa botsamaisi ba khampase mo go tlhokegang.

Komiti-kgolo ya Khansele e gateletse gore tirego e fitlhelele ditlhokego tse di nepagetseng, tse di ka bonwang ke botlhe, go tlhomama/nitama, botsamaisi jo bo nonofileng, tekatekano le kagose s wa. Khansele e ithulaganyetsa go thapa batho ba kwa kopanong ya bona e e latelang.

