NWU, maboko a maswa mo Yunibesithing ya Bokone-Bophirima






Maboko a maswa mo Yunibesithing ya Bokone-Bophirima

Babatlisisi ba Yunibesithi ya Bokone-Bophirima ba tlaleleditswe mo go tla ba tswelang mosola ka maboko a maswa. Mmatlisisi yo o dirisang malepa a bosaense ka matlhale, Prof Amanda Lourens o sa tswang go thapiwa jaaka mokaedi wa Ofisi ya Tshegetso ya Setheo mo Dipatlisisong go simolola ka la 1Tlhakole 2006.

Lourens, yo o tswang kwa Yunibesithing ya Thekenoloji ya Tshwane (Tshwane University of Technology) o tlisa khumo kitso ya bobatlisisi e a e bapetseng dingwaga di le lesometlhano tse di fetileng. O tla tsena ka nonofo mo ditlhakong tsa yo o neng a le fa pele ga gagwe e bong Prof Jan Geertsema yo o sa tswang go rola tiro mo malobeng le fa gona a tla bo a ntse a thusa ofisi e, a e direla jaaka modiri wa nakwana.

O simolotse tiro ya gagwe e e tlotlegang le go kgatlhisa jaaka motlhatlheledi yo mmotlana kwa Yunibesithing ya Pretoria (UP). Ka 1996, o ne a ya kwa Tekhinikoneng ya Pretoria (Technicon Pretoria, e ga jana e bidiwang TUT) kwa a neng a nna mo maemong a a farologaneng a boeteledipele. Mo boeteledipeleng jwa boithutedi jwa gagwe, o ne a nna mosola thata mo tlhabololong le tiragatso ya pholesi le ditogamaano tsa dipatlisiso le ditlhabololo mo TUT.

Ka 2004, o ne a thapiwa jaaka Moporofesara yo a Gagamatsang wa Dipalopalo mo Legorong la Disaense tsa Tlhago.

O amogelwa ka bophara mo maphateng a bobatlisisi le a seakatemi ebile o phasaleditse mo go gaisang mo dijenaleng tsa maemo mo Aforika-Borwa. O tlhagisitse dipampiri di le dintsintsi mo dikhonferenseng tsa mo gae le tsa boditshabatshaba mo dingwageng tso tsotlhe tse a dirileng dipatlisiso ka tsona.

Pele a tla mo NWU, o ne a dira jaaka mokaedi wa dipatlisiso le tlhabolo kwa TUT. Ga jana ke mopresidente wa Boto mo Aforika e e mo Borwa ya Dipatlisiso le Tsamaiso ya Boitshimololedi (South African Research and Innovation Management Board - SARIMA). Ka 2002, o dirile jaaka Mopresidente wa mokgatlho wa Aforika e e mo Borwa wa Dipalopalo (South African Statistical Association - SASA) ebile e ne ele monnasetulo wa Mokgatlho wa Dipatlisiso tsa Setheo sa Aforika e e mo Borwa (Southern African Association for Institutional Research - SAAIR) ka 1999 le 2000.

