Hundreds of students join Golden Key Society






Baithuti ba ba fetang 750 ba Yunibesithi ya Bokone  Bophirima (NWU) ba tsenetse go nna ditokololo tsa Mokgatlho wa Bodithabathaba wa Golden Key monongwaga.

Baithuti ba bokgoni jo bo kwa godimo ba ne ba tlhomamisiwa kwa moletlong o o kgethegileng kwa Khampaseng ya Potchefstroom o kwa go ona Prof Annette Combrink, Moreketoro wa Khampase e neng e le sebuisegolo.

Botokololo mo Mokgatlhong o  jo bo tlotlang, bo lemoga le go rotloetsa go dira go gaisang mo go tsa seakademi gareng ga baithuti  bo ikaegile gotlhelele ka boleng-tshwanelo. Ke diphesente di le 15 fela tsa baithuti ba maemo a a kwa godimo ba ba feditseng bogolo ngwaga o le mongwe wa dithuto ba ka kgonang go tseeletswa mo lenaaneng le.

Baithuti ba le somasupa go tswa kwa Khampaseng ya Vaal Triangle le ba le 699 go tswa kwa Khampaseng ya Potchefstroom ba kgonne go tsenela botokololo jo jwa maemo a a kwa godimo a.

Golden Key e tlhagisa dikabo di le tharo ngwaga mongwe le mongwe kwa kgaolong nngwe le nngwe ya mokgatlho wa yona mo Aforika Borwa. Bafenyi go tswa kwa NWU ke Danilla du Plooy, Paulette Goedhart le Lusilda Boshoff.

Bafenyi ba dikabelo tse tharo ba tlhophilwe ntle le boitebo bope ke Mokgatlho wa Golden Key wa Bodithabathaba go ikaegilwe ka diphitlhelelo tsa bona tsa seakademi, boineelo mo tirong, ditiro tsa kwa ntle ga phaposiborutelo, maemo a bona a boeteledipele le boineelo mo tirelong sethaba, go bua jalo Ms Corrie Postma, mogakolodi wa Kgaolo ya Golden Key e e mo Khampaseng ya Potchefstroom.

Jaaka NWU e na le rekoto e e tshelang tota mo Kgaolong ya Golden Key, baithuti ba le babedi go tswa kwa Khampaseng ya Vaal Triangle, e bong Leandra van Wyk le Ntloobone Makhongoana, ba ne ba tsenngwa jaaka baemedi ba Golden Key go emela Khampase ya bona monongwaga.

Go feta moo, Prof Daan van Wyk, Motlatsa  Moreketoro wa tsa Seakademi kwa Khampaseng ya Potchefstroom, Prof Nhlanhla Maake, Mokaedi kwa Khampaseng ya Vaal Triangle, le Mrs Corrie Postma, wa Khampase ya Potchefstroom, ba ne ba tsenngwa jaaka ditokololo tsa tlotlego tsa Mokgatlho kwa moletlong wa ditlhomamiso. Maake le Postma ba tla dira gape jaaka bagakolodi.

Postma le baithuti ba le bane, Leandra van Wyk (Khampase ya Vaal Triangle), Christelle van Dyk wa Potchefstroom, Micole Froneman le Betina Louw ba tla tsenela Khonferense ya Golden Key ya Bodithabathaba go tloga ka 11 go ya go 14 Phatwe kwa USA.

Ka 2000, Khampase ya Potchefstroom e nnile ya ntlha go nna batsholabaeng ba Kgaolo ya Golden Key mo Aforika Borwa. Go sa tswa go latela seo, e fentse dikabelo di le mmalwa tsa bodithabathaba mo dingwageng tse di sa tswang go feta tsa botsamaisi jo bo gaisang jwa botokololo, go nna kgaolo e e gaisang ya Golden key le porojeke e e gaisang ya sethaba e e setseng e kile ya dirwa.

