Badiri ba ditshwantsho ka khomphiutara ba ba atlegileng ba bodithabathaba ba etela Khamphase






Potchefstroom - Badiri ba ditshwantsho ka khomphiutara ba ba atlegileng ba bodithabathaba ba babedi, e leng Peet Pienaar le Garth Walker, ba ne ba etela setlhopha sa dirutwa sa Badiri ba Ditswantsho ka khomphiutara sa Yunbesiti ya Bokone-Bophirima (YBB) mo kgweding eno go tla go nna batlhatlheledi ba baeng le go tshwara dikokoano tsa go tlhabana botlhale.

Walker o itsiwe e le modiri wa ditshwantsho ka khomphiutara yo o botlhokwa le yo o nang le tlhotlheletso e kgolo tota wa Mo-Aforika Borwa ka ntlha ya go  bo a nnile le seabe mo go tlhameng ditshwantsho tsa mmatota tsa selegae tse dintle. O itsege thata ka makasine wa gagwe wa i-jusi magazine.

Leno e ne e le leeto la boraro la ga Walker la go tla mo Khamphaseng. Mo ngwageng ono, o ne a tlile go abalana kitso ya gagwe le baithuti ba ngwaga wa boraro ba ba ithutelang go dira ditshwantsho ka khomphiutara. E ne ya re fa go tla sebaka sa ga Peet Pienaar, yo e leng moithuti wa maloba wa Puk, a etelela pele baithuti ba ngwaga wa bon ka go tshwara kokoano ya go ba tlhaba botlhale.  Mo dingwageng di le mmalwa tse di fetileng Pienaar o fitlheletse go le gontsi tota mo tirong eno ya gagwe ya go dira ditshwantsho ka khomphiutara. Jaaka motlhamimogolo wa Daddy buy me a pony, mme gone jaanong o tlhamile The President, Piet o ikgapetse dimmentlele tsa kakgolo tsa mono gae le go tswa kwa dinageng di sele e le tsa Afro Magazine e a dirileng makgetlo a le mantsi le  makasine wa with it wa MK Bruce Lee.

Tiro e e neng ya dirwa kwa kokoanong ya go tlhabana botlhale e ka lejwa moragonyana kwa CQ-fest ka nako ya dipontsho tsa Aardklop.





Peet Pienaar le Garth Walker ba ba neng ba tshwere dikokoano tsa go tlhabana botlhale le baithuti ba ba dirang dirang ditshwantsho ka Khomphiutara.

