Baakatemi ba ba thataro ba tlotliwa ke Akatemi ya Saense le Atshe






Potchefstroom - Baakatemi ba ba thataro ba mo Khamphaseng ya Potchefstroom ya Yunibesiti ya Bokone-Bophirima(YBB) ba ile ba tlotliwa ke Akatemi ya Saense le Atshe ya Aforika Borwa ka lebaka la patlisiso ya bone e e maemo a a kwa godimo ngwaga e.

Maloko a a badirammogo ba ile ba bidiwa maina ka mo dikarolong tse di farologaneng jaaka bosaense jwa puo, borutabana, dipalo, bioloji le bosaense jwa melemo le botaniki. Ba tla amogela dikabelo tsa bone ka letsatsi la 27 Seetebosigo ka moletlo wa dilemosome wa Akatemi kwa Mangaung.

Moporof Daan Wissing, mmatlisisimogolo wa thekenoloji ya dipuo mo CtexT(Centre for text technology), o amogetse kabelo ya CJ Langenhoven ya Saense ya Dipuo. Kabelo e abelwa ditiro tsa dipuo le ditiro tsa poposewa ya dipuo tsa Seaferikanse. Kabelo ya gagwe go godisa dithuto tsa fonoloji ka e le karolo ya serutwa sa saense ya Seaferikanse e bonwa e le ya maemo a a kwa godimo ka mo tikologong ya dithuto tsa puo ya Seaferikanse.

Modiini wa Saense ya Thuto, Moporof Petra Engelbrecht, o amogetse metlele ya tlotlo ka tsweletso ya bosaense jwa serutwa sa thuto mo karolong ya thuto. O itsiwa ka mo sethabeng le ka mo bodithabathabeng mme thata ka mo tikologong ya Saekholoji ya Thuto. Dikabelo tsa gagwe tsa mo kgaolong e di amogelwa lefatshe ka bophara.

Moporof Jan Swanepoel wa Lefapha la Mananepalo o amogetse kabelo ya Havenga ya disaense tsa dipalo, khemikhale le popego. Ene o tlotliwa ka tiro e kgolo ya boeteledipele e a e dirileng mo sethabeng le mo bodithabathabeng mo serutweng sa Mananepalo.  Ke palo e ntsi ya dingwaga tse Moporof Swanepoel a itlhaotseng go nna moeteledipele wa serutwa sa gagwe mo sethabeng, e seng fela ka mo thulaganyong ya teori ya dipalo mo serutweng mme gape le mo tirisong ya teng. Boeteledipele jwa gagwe bo tlhaolwa ke go na le bokgoni jwa go ka akanyetsa kwa godimodimo le ponelopele e kgolo ya gagwe ka mo dipalong.

Kabelo ya FARMOVS ya famakoloji le tlhabololo ya melemo e abetswe Moporof Theo Dekker wa Sekolo sa Famasi. Ene o dirile dikabelo tse di kgolo mo tikologong ya go tlhomamisa boleng le taolo ya melemo ka mo sethabeng le mo bodithabathabeng mme le mo karolong ya akatemi ya famasi le mo intaseteri le karolong ya intaseteri ya taolo ya melemo. Moporof Dekker o tswelela go dira jalo le jaanong jaana.

Dimentlele tse pedi tsa kgopolo di abetswe maloko a mabedi a badiri ba mo Sekolong sa Disaense tsa Tlholego le Tlhabololo.

Moporof Gert Krger o amogetse metlele ya Captain Scott e kgolo ka kabelo e kgolo ya gagwe mo ya mobioloji mo Aforika Borwa. Mo dilemong tse di 36 tse di fetileng Moporof Krger o abetse gagolo mo patlisisong le mo katisong ya popego ya dimela. Tiro e e botlhokwa go feta ya patlisiso ke e e dirilweng ke ene le baithuti ke ka ga dimela tsa naga le dijalwa go kgona go phela le fa go le komelo.  Moporof Krger o itlhomile go nna moeteledipele mo kgaolong e ya serutwa.

Metlele ya Captain Scott e nnyane e abetswe Moh Elmien Heyneke ka teseteihene ya MSc ka mo disaenseng tsa botaniki e e gaisang tsotlhe ka mo diyunibesiting tsa Aforika Borwa. Teseteihene ya gagwe ke kumo e kgolo ya thuto e e tseneletseng ka ga tiro ya daeokosaete ya sebabole mo go goleng ga le popego ya dinawa tsa soya. Thuto e e dirilwe ka mo dithulaganyong tsa go godisetsa ka mo diphaposing(ke e e sa itseweng mo lefatsheng) ka mo lefelong la Astro Villa. Patlisiso ya gagwe e badilwe mme e rutilwe mo palong ya dikhonferense tsa mo gae le kwa moseja.

