Dikgobokanyo tsa YBB ba bofelela dikonteraka tsa madi a kana ka dimilione di le R10






Potchefstroom - Dikonteraka tse pedi tsa madi a kana ka dimilione R10 di saenilwe ke Yunibesiti ya Bokone-Bophirima(YBB) le Palama(Public Administration Leadership and Management Academy) go ka tlhatlhela katiso ya baeteledipele ba batlhankedi ba mmuso.

Yunibesiti ya Bokone-Bophirima(YBB) ke setheo se se kaelang tsela ya katiso ka mo diporofenseng di le thataro mo go di le robongwe. Dikgobokanyo tse dingwe tse pedi tsa ditheo tsa thutogodimo tse di tla katisang diporofense tse dingwe ke diyunibesiti tsa Nelson Mandela Metropolitan University le ya Vaal University for Technology.

SSGS(School of Social and Government Studies) se buisane ditumelano tse tsa go katisa baeteledipele ba bagolo ba batlhankedi ba mmuso ka mo mebusong ya diporofense. Palama ke mmele wa mmuso ka mo Lefapheng la Ditirelo le Tsamaiso ya Mmuso le le nang le boikarabelo jwa go rulaganya le go tlhatlhela katiso le go aga bokgoni jwa ditirelo tse di bophara tsa mmuso.

Palo ya badirammogo ba SSGS ba ne ba tsamaile le Moreketoro wa Khamphase, Moporof Annette Combrink, ka nako ya go ya go saena dikonteraka kwa Tshwane.

Diporokerama tsa katiso di tloga di simolola ka mo ditikologong tsa bokone le bogare tse di tsenyang diporofense tsa Bokone-Bophirima, Foreisetata, KwaZulu-Natal, Gauteng, Mpumalanga le Limpopo.

Ofisi ya Dikhoso tse Khutshwane e tlhometswe ka mo SSGS mme e ka na le tiro ya go rulaganya le go tsamaisa dikhoso tse le diporokerama tsa dikhoso, tse di tsamaisanang le diporokerama tsa akatemi tsa SSGS tse dingwe tsa go amogedisa lotseno la kelelo ya boraro. Mor Willem Mostert o thapilwe go nna molaodi wa ofisi e le go nna molaodi wa porojeke ya Kgobokantsho ya YBB (dikarolo tsa bokone le bogare) mme Moh Marli Moolman o thapilwe go nna tlhogo ya tsa lojesetiki le tsamaiso ya ofisi.




Moporof Annette Combrink (Moreketoro wa Khamphase ya Potchefstroom ya YBB), Ngk Mark Orkin (Mokaedikakaretso wa Palama), Moporof  Leon Fourie (Modini Khudutamaga wa Disaense tsa Taolo kwa University for Technology mme gape ke moemedi wa Kgobokantsho ya VUT wa sethaba) le Christo van Loggerenberg (Motlatsamokhanseleri:Akatemi kwa Nelson Mandela Metropolitan University mme gape ke moemedi wa Kgobokantsho ya NMMU  tikologo ya borwa) ka nako ya go saena dikonteraka kwa Tshwane.



Bangwe ba maloko a badirammogo ba mo YBB ba ba neng ba le teng ka nako ya go saena dikonteraka le Palama. Kwa morago go na le Moporof Johan Zaaiman (Mokaedi wa SSGS), Moporof Maritte Lowes (Motlatsamoreketoro wa Akatemi wa YBB Puk), Mark Orkin (Mokaedikakaretso wa Palama), Moporof Annette Combrink (Moreketoro wa Khamphase ya YBB Puk), Moporof Jan Swanepoel (Modini wa Legoro la Atshe wa mo YBB Puk), Moporof Gerrit van der Waldt (Taolo le Puso ya Batho  Khamphase ya Potchefstroom) le Moh Louise Lepan (Mokaedimogolo wa Diporokerama tsa Tlhabololo ya Dikhuduthamaga kwa Palama). Mo pele go na le Mor Willem Mostert (Molaodi wa Ofisi ya Dikhoso tse Khutshwane ka mo SSGS(School of Social and Government Studies)mo Khamphaseng ya Potchefstroom) le Moh Marli Moolman (tlhogo ya tsa lojesetiki le tsamaiso ya ofisi e).

