Phenyo e e seng kana ka sepe ya NWU






POTCHEFSTROOM  Bontsi jwa baithuti ba ba ithutetseng go torowa le go tsenya ditshwantsho ka khomphiutara ba Yunibesithi ya Bokone-Bophirima (NWU) ya Khamphase ya Potchefstroom ba ile ba gapa diawate tsa 2008. Kwantle ga diporojeke di le thataro tsa go fitlha kwa makgaolakgannyeng, NWU e ne ya ikgapela Dijana tsa gauta di le tharo mo go tse nn tsa gauta tse di neng di abiwa monongwaga.

Ditlhopha tse pedi tsa ngwaga wa bon tsa diporojeke tsa ga Ren Julyan, Gerda van der Walt, Terese Potgieter le Christi de Jager, Die Kloppers, le sa ga Christel Badenhorst, Marlize Bergh, Winette Pretorius le Johnny Thomas, Kultuur in jou are (matsholo a mabedi a Moletlo wa Bosethaba wa Botsweretshi wa Aardklop) a ile a ela tlhoko gore NWU e a fenya mo setlhopheng se se kopantsweng sa letsholo la motswedi wa dikgang ka gore ditlhopha tseno ka bobedi di ikgapele sejana sa gauta. Setlhopha sa baithuti ba ngwaga wa boraro, e leng Jaco Burger, Roscher Maritz le Zinelda McDonald, se ikgapetse Sejana sa gauta mo karolong e nngwe ya motswedi wa dikgang.

Kwantle ga dikgaisano tseno, NWU ke yone e e neng e di goga kwa pele mo ditlhopheng tseno ka bobedi, ka go nna le palo e e kwa godimo go feta ya ditlhopha tse dingwe se di fitlhileng kwa makgaolakgannyeng. Tsebe ya setsha sa ithanete ya ga Braam Kempen, Lauren Moses le Freda Raubenheimer, Luiardia, le ya ga Emarie Gouws, Astrid Gevers le Ilze Vermaak, Planeet Pierewiet, e ne e le tse pedi tsa tse tharo tse di fitlhileng kwa makgaolakgannyeng mo karolong e nngwe ya motswedi wa dikgang. Letsholo la ga Suzan van Wyk le Gert Schoeman la Sus en Daan la Oppikoppi e ne e le lengwe la a mabedi a a fitlhileng kwa makgaolakgannyeng mo karolong ya setlhopha se se kopantswng sa letsholo la motswedi wa dikgang.

Go atlega ga NWU go ne ga okediwa ke go atlega ga baithuti ba maloba. Baithuti ba maloba ba babedi ba ba ithutetseng go torowa le go tsenya ditshwantsho ka khomphiutara, e leng Antoinette Fourie le Renier Zandberg, ba ne, mongwe le mongwe wa bone,  a ikgapela Dijana di le tharo tsa gauta. Gape, Fourie o ile a amogela awate ya Sejana sa totlo sa 2008.

Mongwe wa baatlhodi, e leng Coenie de Villiers, o ne a tlhalosa gore dilo tse di tlhamilweng ka tsela e e nang le bokgoni di ne di kgothatsa. Baithuti ba ile ba supa bokgoni jo ba nang le jone fa ba ne ba gaisana le batlhami ba ba nang le maitemogelo a a seng kana ka sepe mo go tsa papatso."




Rre Ian Marley, motlhatlheledi wa Go Torowa le go Tsenya Ditshwantsho ka Khomphiutara, Boporofesa Paul Schutte wa Sekolo sa Dithuto Tsa Tlhaeletsano le Maritte Lowes, Motlatsa-mookamedi wa Sekolo, ba bogetse Dijana di le tharo tsa gauta tsa Khamphase ya NWU ya kwa Potchefstroom.

