Bafenyi ke ba!






Palo e e gaufi le 1 000 ya baarabi ba tsere karolo mo patlisisong ya tiro ya tlhabololosewa ya wepe ya YBB. Ka tlhopho ya ba ba lesego batsayakarolo ba ba 7 ba amogetse dimpho tse di kgatlhisang.

Batsayakarolo ba ne ba direla mo dikarolong tse di farologaneng  tsa alumni, baithuti le batsadi, baithuti ba jaanong le ba bokamoso le badiri ba yunibesiti. Ka mo karolong ya baithuti baarabi ba ba lesego ba bararo, mongwe le mongwe o fentse i-poto. Bone ke Mor LJ Chacha (Khamphase ya Mafikeng), Mor Barend Havenga (Khamphase ya Potchefstroom) le Moh Nadia de Beer (Khamphase ya Khutlotharo ya Lekwa).

Moh Jasenta Makena wa kwa Orange Farm o fentse i-poto e nngwe morago ga go tsaya karolo mo kgaolong ya baithuti ba bokamoso.

Baarabi ba bararo ba fentse mongwe le mongwe madi a R1000 ka seatla.  Bone ke Moh Monique Joubert wa kwa Tshwane (alumni), Moh Marlize Louw wa kwa Matlosane (motsadi) le Moh Brualda Abrahams wa mo Khamphaseng ya Potchefstroom(modiri).

Jaanong jaana go atlholwa dikakanyo le dikarabo gore fa ba bopa wepe sewa ba kgone go arabela ditlhokego tsa badirisi ba wepe. Fa ba feditse go atlhola gotlhe go tla logiwa maano a porojeke le ditlha tsa go fetsa tsa go bopa thulaganyo le paakanyo ya diteng, popo ya wepe, tlhomelo le diteko le go tlhomela ruri mo bofelong.  Bala go feta ka ga tiro ya tlhabololo-sewa ka mo kgatisong e e tlang ya Eish!

Nna o lebelela ka mo lefelong la wepe go bona gore tshedimosetso e e tswang mo patlisisong e ne e le eng





Moh Marelize Louw o amogela madi a gagwe a R1000 mo seatleng go tswa mo go Moh Marelize Santana, Motlhankedi wa Tshedimosetso wa mo Megaleng wa mo Lefapheng la Merero ya Korporatifi le Kamano. :






Mor Vincent Eastes, Molaodimogolo: Wepe le Neeletsanyo ya Motlakase, Khamphase ya Potchefstroom (mo mojeng), o fa bafenyi ba babedi ba mo Khamphaseng ya Potchefstroom dimpho tsa bone. Bone e ne e le Mor Barend Havenga (mo gare) le Moh Brualda Abrahams (mo mojeng).





Mofenyi wa moithuti, Mor Letlhogonolo Chacha (Khamphase ya Mafikeng) o amogela i-poto go tswa mo go Mor Lester Mpolokeng, Motshwarela-Mokaedi: Go Maketa le Neeletsanyo ka mo Khamphaseng ya Mafikeng.





Moh Nadia de Beer ke mofenyi wa moithuti yo o lesego wa Khamphase ya Khutlotharo ya Lekwa




Moh Jasenta Makena, moithuti wa bokamoso go tswa kwa Orange Farm le ene o fentse i-poto.



Moh Monique Joubert, Moalumni wa YBB o fentse madi a diranta di le R1000 mo seatleng.

