Tlotlo ya Olempiki go NWU






POTCHEFSTROOM  Mor Terseus Liebenberg, molaodi wa diatletiki wa Khamphase ya Potchefstroom ya Yunibesiti ya Bokone-Bophirima(NWU) o kgethilwe go nna mokatisi wa bakolopi ba setlhopha sa diatletiki sa sethaba kwa Metshamekong ya Olempiki ba ba gaisanang kwa Beijing.

Mor Liebenberg, o ntsha sehuba ka katlego ya baatletiki ba gagwe ba bantsi mme Justine Robbeson, yo jaanong jaana a tshwereng rekoto ya Aforika Borwa le ya Aferika mo jawelining ya basadi, ke gone ba tsamaileng le baatletiki ba bangwe go ya kwa Korea go ya go ikatisa kwa kampeng malasi a a lesome. Morago ga moo ka 13 Phatwe ba tla goroga kwa Beijing go bontsa bokgoni ja bone.

Kwa ntle ga Robbeson yo gone jaanong a le mo maemong a bosupa mo jawelining ya basadi mo lefatsheng mme gone jaanong a tlotliwang ka go na le bokgakala jwa dimetara di le 63,49m, mor Liebenberg o setse a thusitse baatletiki ba bantsi go etela pele le go nna dimampodi.

Mo go bone go na le Marius Corbett, mokolopi wa jawelini wa moitseanape yo gone jaanong a santse a tshwere rekoto ya Aforika Borwa le wa Aferika ka bokgakala jwa 88,75m.  Mor Corbett o ne a le moatletiki wa ntlha wa Aforika Borwa wa go nna mampodi wa lefatshe ka Metshameko ya Olempiki ka 1997 kwa Athene. Ene mo ngwageng e e latelang o nnile le mampodi wa Kgweranadithaba. Gape ka 1994 o ne a le mampodi wa lefatshe wa baswa mme ka yone ngwaga eo a fenya le metlele ya gauta kwa Metshamekong ya Olempiki mma gape a nna la mampodi wa baithuti ba lefatshe.  Gape mo godimo ga se mor Liebenberg o katisitse naledi e nngwe ka 2000 ka Hardus Pienaar yo a nnileng mampodi wa baswa ba lefatshe.

Mor Liebenberg, yo a simolotseng ka 1993 ka mo Yunibesiting a ke tlotlo e kgolo mo go ene go ka emela Aforika Borwa le NWU kwa Metshamekong ya Olempiki. Nna le Justine re tla dira ka maatla go nna baemedi ba ba kgatlhisang yunibesiti le lefatshe la rona. Re itebogela thono e ruri, a bua gape.

 - Moatletiki yo mongwe wa ga mor Liebenberg, ke Sunette Viljoen yo a seng mo setlhopheng jaanong jaana mme go santse go na le dipuisano gore a kgone go tsengwa mo setlhopheng. Ene o ne a le mampodi wa jawelini kwa Kgweranadithaba ka 2006.  Ockert Celliers (motabogi wa diheke tsa 400m), le ene ke moatletiki yo mongwe yo a kgonneng go ka emisa seatla ka boleng yo bo mo letlelelang go ya Metshamekong le ene mme a se mo setlhopheng le ene.

 -  Lesl-Ann George o tlhophilwe go emela setlhopha sa hoki sa Aforika Borwa sa basadi mme Ian Symons, yo a tshamekelang Kelapa ya Khamphase ya Potchefstroom ya NWU, ene o tshamekela banna kwa Metshamekong ya Olempiki.




Mor Terseus Liebenberg, molaodi wa diatletiki wa Khamphase ya NWU o kgethilwe go nna mokatisi wa bakolopi ba setlhopha sa diatletiki sa sethaba kwa Metshamekong ya Olempiki ba ba gaisanang kwa Beijing.

