Management and unions sign agreements






Botsamaisi le diyunione ba saena ditumalano

Go ba tsere sebaka sa dikopano tsa ditherisano di le lesometharo, diuraura tsa dipuisano tsa setlhopha sa tiro le ditsebetsebe tsa dikwalo, fela mo maabaneng botsamaisi le diyunione tsa Yunibesithi ya Bokone-Bophirima ba ne ba kgona go re Ee, re a dumalana. Ba saenile temogo ya ditumalano le diyunione gammogo le melao ya mabaka a khiro ya setheo.



Temogo e ya ditumalano e rulaganya mabaka a go amogela le go dira ga diyunione tsotlhe tsa Yunibesithi, e bong NEHAWU, MESHAWU, SAPTU, NTESU le Mokgatlho wa Badiri go ya ka melawana ya Molao wa Dikamano le Badiri. Go ya ka prof. Chris van der Watt, Mokaedi Mogolo: wa Merero ya Badiri, kgwetlho e kgolo e ne e le go emisetsa ditumalano tsa diyunibesithi tse tharo tsa pele ka tumalano e le nngwe e e tshwanang. O rile: Thumalano e, e nna motheo wa molao wat tiro wa ditherisano  tsotlhe, dipuisano le dikamagano magareng ga botsamaisi le badiri mo motheo o o utlwanetsweng mmogo. Tumalano e, e ka tlhabololwa fela ka ditherisano tse di ka utlwanelwang ke botlhe.

Ka go ela tlhoko melao ya mabaka a khiro, go ne ga dumalanwa ka thulaganyo e le nngwe mo badiring botlhe. Yona e akaretsa mabaka a go thapa, tsholo ya dilo tse di mabapi le matlhale/kitso, disekema  tsa dipoelo ka setlhopha, khunologo le dingwaga tsa go rola tiro. Prof. Van der Watt o rile:  Tiriso ya ditumalano tse, e tla tsamaisiwa go tsamaelana le pholesi e e tlhabolotsweng ya badiri, tsamaiso ya yona le ditsela tse di beilweng go tloga ka 1 Ferikgong 2005.

