Motlhatlheledi o thapilwe go nna mothusi wa moitseanape wa tikologo mo porojekeng ya HEAIDS






VANDERBIJLPARK  Moporof Linda Theron, motlhetlheledi wa Sekolo sa Bosaense jwa thuto ka mo Khampaseng ya Vaal Triangle ya Yunibesiti ya Bokone-Bophirima(YBB) o kopile go nna mothusi wa moitseanape wa tikologo mo porojekeng ya HEAIDS ya HESA e e bidiwang: Piloting of HIV modules in Teacher Education Facilities in the higher education institutions in South Africa(Go simolola go tlhomela dimojulu tsa HIV ka mo Difakalthing tsa Thuto ya Barutabana ka mo ditheong tsa Thuto Godimo mo aferika Borwa).

Porojeke e, e tsamayang go fitlhela ka Motsheganong wa 2009, e tsentse maikaelelo a go tlhotlheletsa le go thusa ditheo tsa Thuto Godimo go go ruta barutabana ba ba rutiwang go kgona go dirisana le mathata a mantsi a leroborobo la HIV/Aids.

Gammogo le porojeke ya HEAIDS, porojeke ya ga Moporof Theron e e thusiwang ke NRF ya Resilient Educators (REds) e tla tlhomelwa mo barutabaneng ba Katiso ya Bophelo mo Gauteng,  Foreisetata, Mpumalanga le Bokone-Bophirima ka ngwaga ya 2008. Moporof Herman Strydom (YBB), Moporof Rina Delport, Yunibesiti ya Pretoria (YP), Ngk Stephan Geyer(YP) le mme Steffie Esterhuizen(YBB), ba tla dirisana ka tlhomelo e.

Diphetho tsa ntlha tsa patlisiso ya Reds di bontsha gore barutabana ba ba maatlafaditswe go dirisana le mathata a mantsi a a tsamaisanang le leroborobo la HIV/Aids.

Barutabana ba Katiso ya Bophelo ba ba ratang go dirisana ba kopiwa gore ba itshwaragantshe le Moporof Theron kwa (016) 910 3076 / 910 3082 kapa eposo kwa go  Linda.Theron@nwu.ac.za (Link: mailto:Linda.Theron@nwu.ac.za).



Moporof Linda Theron.








