Modini o abelwa metlele wa go nna mmatlisisi yo mogolo






POTCHEFSTROOM  Mo khonferenseng ya yone ya bosethaba e e neng e tshwerwe maloba jaana, Education Association of South Africa (EASA) e ne ya abela Porofesa Petra Engelbrecht, eleng Modini wa Lefapha la Disaense Tsa Thuto mo Khamphaseng ya Bokone-Bophirma ya Potchefstroom metlele wa go nna mmatlisisi yo mogolo.

Porofesa Engelbrecht o ne a akgolelwa tsela e e manontlhotlho e a nnileng le seabe ka yone mo go direng dipatlisiso tsa thuto; seabe se segolo se a nnileng le sone mo go tlhomeng tsamaiso ya thuto ya go tshwarwa ga botlhe ka tekatekano le seabe sa gagwe mo go thuseng badiri-mmogo go gatela pele mo tirong ya bone le mo mokgweng wa bone wa go dira tiro a bone ka tsela ya seporofeenale mo mafapheng a thuto le a boithutatlhaloganyo.

O ne a re: Ke motlotlo tota go amogela metlele ono wa patlisiso e ke e dirileng mo dingwageng di le 16 tse di fetileng.  A bo a oketsa ka go re, Awate eno gape ke ya go akgola le badiri-ka-nna ba ba neng ba dira le nna re le setlhopha se se dirang patlisiso, re tlhomile mogopolo mo mokgeleng wa rona  wa go tlhama le go tlhoma thuto e e akaretsang botlhe mo Aforika Borwa!

Porofesa Engelbrech, yo o itsegeng kwa dinagang tsa bodithabathaba le mo nageng ya rona jaaka mmatlisisi le motlhatlheledi, o ne a newa katiso ya seporofeenale mo thutong ya boithutatlhaloganyo le ya thuto kwa Yunibesithing ya Pretoria le UNISA.  O ne a simolola mokgele wa gagwe wa seporofeenale kwa Yunibesithing ya Pretoria jaaka motlhatlheledimogolo le moporofesa-mmogo mme a fudugela kwa Yunibesithing ya Stellenbosch kwa a fitlhileng a nna porofesa le modulasetulo gone.  Ka 2004, o ne a nna mokaedi le mokaedimogolo wa patlisiso, mme ka Mopitlwe wa 2007 a tlhomiwa go nna Modini wa Lefapha la Disaense Tsa Thuto kwa NWU.



Porofesa Petra Engelbrecht, Modini wa Lefapha la Disaense Tsa Thuto.



