Batlatsa-Khansaliri ba Dithabathaba ba etela YBB






Batlatsa-Khansaliri ba bane ba diyunibesiti tsa dithabathaba malobanyane ba ne ba jele nala go tla mo Yunibesiting ya Bokone-Bophirima(YBB) go golega dithapo tsa tirisano le letloa la diyunibesiti tse di akanyang ka go tshwana.

Moporof Ngk. Lex M Bouter, Moreketoro Magnificus wa Vrije Universiteit ya kwa Amsterdam, Ngk Susan Cole, Moporesidente wa Montclair State University, New Jersey, le Moporof Deian Hopkin, Motlatsa Mokhansaliri wa London South Bank University ba ne ba tlile thomelo ya badirimmogo ba bone ba ba kwa godimo.

YBB e ile ya tsaya kgato ya go bopa letloa le go buisana le go dirisana dikakanyo ngwaga le ngwaga ka ga mabaka jaaka dikgetlho tse di lebeletseng diyunibesiti tsa segompieno, ga bua Ngk Theuns Eloff, Motlatsa Mokhansaliri.

Ditlhogo tse di ileng tsa buisanwa ke tse di latelang:
 Go tsamaisa yunibesiti ya kgwebonthwa ya ngwagakgolo ya 21,
 Tsamaiso e e itumedisang, go baletswe go tsamaisa ditiro le ditlhotlheletso,
 Go baya ditekanyetso tsa ditiro le go ipaya se o itekantshang ka sone; le
 Tsamaiso ya Dipharologanyo le sethabathabafatso.

Ka Mosupologo wa la 12 Ngwanatsele 2007 ba thomeletso ba kwa Vrije Universiteit ya Amsterdam le Montclair State University ba ne ba etetse Khampase ya Mafikeng le Setheo sa Kgwele ya Maoto, mme ba thomeletso ya kwa London South Bank University ba ne ba amogetswe ka mo dikhampaseng tsa Potchefstroom le Vaal Triangle.



Dithomeletso tsa go tswa kwa London South Bank University go tswa mo molemeng: Ngk Phil Cardew, Motlatsa Mokhansaliri wa Pro wa Go Ruta le Merero ya Baithuti, Ngk Ed Tinley, Tlhogo ya Ofisi ya Patlisiso le Tlhabololo ya Kgwebo, Mme Carol Campayne, Mokaedi wa Tekatekanyo le Pharologano, Ngk Deian Hopkin, Motlatsa Mokhansaliri le Ngk Theuns Eloff, Motlatsa Mokhansaliri wa YBB.



Thomeletso go tswa kwa Montclair State University kwa New Jersey malobanyana ba ne ba etetse YBB.  Go tswa mo molemeng ke: Ngk Karen Pennington, Motlatsa-moporesidente: Tlhabololo ya Baithuti le Bophelo jwa Khampase, Ngk Ada Beth Cutler, Diini: Kholethe ya Thuto le Tirelo ya Batho, Ngk Susan Cole, Moporesidente,  Ngk Theuns Eloff, YBB-Motlatsa-Mokhansaliri, le Mme Lauretta Bruno, moemedi wa YBB kwa New York.



Setlhopha sa go tswa kwa Vrije Universiteit, kwa Amsterdam se ne se le go tswa mo molemeng: Moporof Peter Beek, Diini: Bosaense ya go Tsikinyo ya Mmele, Ngk Harry Wels, Lefapha la Setso, Thulaganyo le Taolo, Moporof Ngk Lex Bouter, Moreketoro Magnificus, Ngk Ren Smit, Modulasetulo: Boto ya Khdutamaga, le Moporof Harmen Verbrugge, Diini: Bosaense jwa Ekonomi le Kgwebo.



Ngk Ada Beth Cutler (kgakala mo mojeng) wa kwa Montclair University, New Jersey, o buisana lebaka le (go tswa molemeng) Moporof Dan Kgwadi, Moreketoro: Khampase ya Mafikeng, YBB,  Mme Lauretta Bruno, moemedi wa YBB kwa New York, le Ngk Harry Wels wa kwa Vrije University, kwa Amsterdam.

