Ditulo tsa go ithuta tsa patlisiso tse pedi mo YBB







POTCHEFSTROOM - Ditulo tsa go ithuta tsa patlisiso tse pedi tsa sethaba ke gone di tswang go abelwa Khampase ya Potchefstroom ya Yunibesiti ya Bokone-Bophirima(YBB)  go tswa go Lefapheng la Saense le Thekenoloji.

Moporof Okkie de Jager o amogetse setulo sa fisika ya astro le lefaufau mme ngk Holger Bettinger ka mo tiragatsong ya go bopa dimolekhule.

Moporof de Jager o setse a abetswe kabelo ya moporesidente go tswa go NRF ka 1988 le 1992 le mo tshimologong ya ngwaga a ne a le tokolo ya setlhopha sa babatlisisi ba ba abetsweng ka kabelo ya Descartes ya bosaense go tswa go Khomiheneng ya Yoropa.

Ngk Bettinger jaanong jaana o dira ka mo Lefapheng la Khemi le Boikhemi go tswa go Yunibesiting ya Ruhr kwa Geremane. O setse a amogetse dikabelo tse dintsi tsa patlisiso ya gagwe kwa Geremane mme ene ke tokolo ya Mokgatlho wa Khemi wa Geremane le Amerika.

Go ya ka moporof Manie Vosloo wa Sekolo sa Khemi, ke tlotlo e kgolo go bone go amogela ditulo tsa thuto mme o itumeletse ditlamorago tsa se tse di tla tlisiwang mo tikologong ya patlisiso ya bone.

Setulo se sa go ithuta ke karolo ya Lefapha mo nageng ya rona ya Boitshimolelo jwa ditulo tsa thuto tsa patlisiso (SARChI).  Motlele ya SARChI o amogelwa lefatshe ka bophara go tlhabolosa bokgoni jwa go batlisisa go bopa babatlisisi ba boleng jwa lefatshe le go ba busetsa mo nageng le go busetsa babatlisisi ba ba rutegileng ka mo kgaolong ya thuto-godimo.

Lefapha le ikaelela go tlhomela ditulo tse di 210 go fitlhela ka 2010.

