Kopo ya tokologo ya go thaya ditlhapi go itshedisa le ka seelo se sennye
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Go thaya ditlhapi go itshedisa go dira kwa baaging ba kwa mabopong ba ba dirisang ditshedi tsa mawatle go ja, le fa ba ka di rekisa le go ananya ka tsona mo mafelong a selegae. Ga jaana, bathei ba ditlhapi go itshedisa ba laolwa ka ditokologo go fitlha ka nako e go tla nnang le pholisi. Gore motho a kgone go fitlhelela ditshedi tsa lewatle jaaka mothaya ditlhapi yo o itshedisang o tshwanetse go dira kopo ya tokologo mme e rebolwe go ka dira ka/kotula ditlhapi kgotsa go nna le seabe mo tiragalong ya go thaya ditlhapi go itshedisa le ka seelo se sennye.
Go dirisa tshwanelo ya gago ya go thaya ditlhapi, dira kopo ya tokologo e e rebolwang ke Tona ya Merero ya Tikologo le Bojanala kgotsa yo o neetsweng thata eo ka fa tlase ga karolo 81 ya Molao wa Ditshedi tsa Lewatle , 1998 . Gore o rebolelwa tokologo e, o tshwanetse go dira kopo ka dikomiti tse di tlhomilweng tsa Selegae tsa Botsamaisi mme o tshwanetse go fitlhelela ditlhoko tse di beilweng. Ka molao ga go ope yo o tshwanetse go nna le seabe mo ditiragalong tsa go thaya ditlhapi go itshedisa le ka seelo se sennye a se na tetla.
Tokologo e ntšhwafadiwa ngwaga le ngwaga mme go retelelwa ke go inyalanya le dipeelano go ka tlisa gore a beelwe thoko nakwana, go phimolwa kgotsa tshwanelo e ka phimolwa.
Godimo
Dikgato tse di latelwang
Dira kopo ka dikomiti tse di tlhomilweng tsa Selegae tsa Botsamaisi fa ditokologo tse di feletswe ke nako kwa bokhutlong jwa ngwaga mongwe le mongwe.
Ba ba simolola go tsena ba tshwanetse go fitlhelela ditlhoko tsa go itshedisa le seelo se sennye pele ba ka rebolelwa tokologo.
Modirakopo o tshwanetse go tlhalosa lekala kgotsa lefelo le ba ratang go tsena mo go lona.
Maemo a batshola-tokologo ba ga jaana a a netefadiwa pele ba ka neelwa tokologo ya ngwaga o o latelang, fa ba sa fitlhelele ditlhoko tse di beilweng ba ntshiwa mo lenaneong.
Batlhankedi ba lefapha ba epa pitso go rebola ditokologo tsa bathei ba ditlhapi ba ba kwadisitsweng.
Pele ba rebola ditokologo tse, badiri ba lefapha ba tlhalosa dipeelano tsa tokologo le tekanyetso ya kgetse.
Batshola-tokologo botlhe ba solofelwa go saena mo lenaneong go supa gore ba amogetse ditokologo tsa bona.
Godimo
Molao o dirisiwang
Molao wa Ditshedi tsa Lewatle 
Godimo
Boemo jwa tirelo
Tiragalo ya kopo e ka tsaya kgwedi e le 1 kgotsa go feta go lebilwe palo ya badirakopo.
Godimo
Tlhotlhwa
Ditokologo di rebolwa ntle le tuelo.
Godimo
Diforomo tse tladiwang
Ga go diforomo tse tladiwang.
Godimo
Lefelo la bodirelo, diaterese le megala
