Baagi ba Aforika Borwa ba ba tshwerweng kwa dinageng disele
Tlhaloso
Dikgato tse di latelwang
Molao o dirisiwang
Boemo jwa tirelo
Tlhotlhwa
Diforomo tse tladiwang
Lefelo la bodirelo, diaterese le megala
Tlhaloso
Ka fa tlase ga Tumelano ya Vienna ka ga Dikamano tsa Boditšhaba - maemo a a amogelegang ka kakaretso a dinaga tsotlhe, batho ba ba tshwerweng kwa ntle ga naga ya bona ba tshwanetse go kgona go fitlhelela kemedi ya bona ya boditšhaba. Maaforika Borwa a a leng mo maemong a a tshwanetse go kopa bothati go ba letla go ikgolaganya le Kemedi ya Aforika Borwa mo nageng eo. E seng jalo, mongwe a ka ikgolaganya le Kemedi ya Aforika Borwa mo nageng eo kgotsa karolo ya Ditirelo tsa Boditšhaba kwa Lefapheng la Merero ya Boditšhaba kwa Pretoria, mo boemong jwa bona.
Batlhankedi ba Boditšhaba ba tshwanetse go netefatsa gore baagi ba Aforika Borwa ba ba tshwerweng kwa dinageng disele ba tshotswe setho fa ba ntse ba tswaletswe. Mo ntlheng, dintlha tse di jaaka tshotlako, tsholo e e seng ya setho kgotsa e e digang seriti kgotsa kotlhao di tla begwa mme tsa isiwa kwa bothating jwa selegae. Melao ya Maemo a a kwa Tlase a Ditšhabakopano a Tsholo ya Batshwarwa e tshwanetse go dirisiwa jaaka kaedi.
Ke ditirelo dife tse Batlhankedi ba Boditšhaba ba tlamelang Maaforika Borwa a a tshwerweng kwa ntle ka tsona?
ikgolaganya le motshwarwa ka bonako jo bo kgonegang morago ga go netefatsa gore ke moagi wa Aforika Borwa. Se se kgontsha Moaforika Borwa yo o tshwerwe kgotsa golegilweng ka fa tlase ga molao wa naga e sele go tlhaloganya ditshwanelo tsa gagwe le ditirelo tse di tlamelwang ke Puso ya Aforika Borwa. Go ikaegilwe ka maemo a a rileng, go ka ikgolaganngwa nae ka sebele, ka lekwalo, ka mogala kgotsa ka batsereganyi ba ba maleba.
tlamela ka tshedimosetso ka kakaretso ka ga tsamaiso ya semolao ya naga e e mo tshwereng. Tshedimosetso e ka akaretsa; dintlha ka ga thuso ya semolao le botšhotšhisi, lenaneo la babueledi , pusetso-morago, ditsela tsa beili kgotsa boikuelo gore batshwarwa ba tlhaloganye ditshwanetse tsa bona le ditsamaiso tse di amegang.
tsweletsa kgolagano le baagi ba Aforika Borwa ba ba tshwerweng kwa dinageng disele ka go ikobela melao le melawana ya naga e e tshwereng.
etela kwa dikgolegelong. Seelo sa go etela dikgolegelo se ikaegile ka pholisi ya ga jaana, lefelo, setso le melao ya naga e e tshwereng, ga mmogo le maemo a tshireletso mo nageng eo le kgolegelo.
golagana le lelapa kgotsa ditsala - fela fa ba kopilwe ke motshwarwa ka go kwala. Ga go kgolagano e e tla dirwang, kgotsa tshedimosetso e e tla neelwang ope ntle le tumelelo ka go kwala ya moagi wa Aforika Borwa yo o tshwerweng kgotsa yo o mo kgolegelong.
tsamaisa phetisetso ya matlole go tswa go ba lelapa le ditsala mo Aforika Borwa go ya go motshwarwa - go ikobelwa molao le melawana ya Puso ya Aforika Borwa le naga e e tshwereng. Melawana ya dithata e e dirang ya gore madi go tswa mo Aforika Borwa ya didiriswa tsa go tlhapa, dijo le dilwana tse dingwe ga a tshwanela go feta R2 000 ka kgwedi. Tlhwatlhwa ga e kitla e fetisediwa kwa kgweding e e latelang. Ikgolaganye le Karolo ya Ditirelo tsa Boditšhaba go bona thuso.
netefatsa gore mathata a melemo a itsisiwe bothati jwa kgolegelo.
tsamaisa thomelo le kamogelo ya makwalo, melemo le didiriswa tsa go ithuta go tswa go losika le ditsala mo Aforika Borwa. Tirelo e dirwa go ya ka ditlhwatlhwa tse di dirang tsa Lefapha la Merero ya Boditšhaba le melao le melawana ya naga e e tshwereng. Ditlhwatlhwa di ka fetolwa gangwe le gape.
Ela tlhoko:
Lefapha la Merero ya Boditšhaba le Kemedi ya Aforika Borwa kwa dinageng disele di dira maiteko otlhe gore madi, makwalo, didiriswa tsa go ithuta le melemo di fetisiwe ntle le tiego. Le fa go le jalo, tse di tlang pele go Embasi, Ntlokemedi, kgotsa Kantoro ya Merero ya Boditšhaba ke tsona di dirwang pele. Maemo a selegae mo nageng eo le ona a na le seabe.
Batlhankedi ba Boditšhaba ba ka se tlamele Maaforika Borwa a a tshwerweng ka ditirelo tse di latelang:
go simolola kgotsa tsenelela mo tsamaisong ya kgotlatshekelo kgotsa ya semolao go bona kgotsa go neela kgakololo ya semolao go rulaganya kgololo go tswa kgolegelong kgotsa beili go etela mafelo a a kotsi kgotsa dikgotlatshekelo go batlisisa bosenyi bona tsholo e e botoka mo kgolegelong go gaisa e e newang baagi ba selegae - ntle le fa melao ditšhabakopano ya maemo a a kwa tlase a tshwaro ya batshwarwa a sa dirisiwe go laela ba losika kgotsa ditsala go romela madi go duelela disuga tsa semolao, melemo le tse dingwe go bona marobalo, tiro, divisa kgotsa ditetla tsa bonno dira tiro e e dirwang ke batlhankedi ba tsa maeto, ditirelo tsa phofo, dibanka, kgotsa ditlamo tsa khiriso go thusa baagi ba dinaga tse pedi mo nageng ka naga e nngwe ya bona duelela dithulaganyo, sepalangwa, go fisiwa ga ga baswi, diphitlho go busediwa ga masaledi a moagi wa Aforika Borwa yo o tlhokafetseng.
Godimo
Dikgato tse di latelwang
Fa o tshwerwe kwa ntle ga naga, ikgolaganye le Kemedi ya Aforika Borwa e e gaufi kgotsa Botsamaisi jo bo kwa Godimo jwa Ditirelo tsa Boditšhaba kwa Lefapheng la Merero ya Boditšhaba kwa Pretoria.
Baagi ba dinaga tse pedi ba ba tshwerweng kwa nageng ya boagi jwa bona ga ba kitla ba bona thuso go tswa go Kemedi ya Aforika Borwa. Fa baagi ba dinaga tse pedi ba tshwerwe kwa nageng e nngwe, e ba seng baagi ba yona, ba tshwanetse go ikgolaganya le kemedi ya boditšhaba e ba dirisitseng paseporoto ya yona go etela koo.
Godimo
Molao o dirisiwang
Karolo 36 ya Tumelano ya Vienna ka ga Dikamano tsa Boditšhaba
Ditumelano tsa Go se Fetisiwe ga Batshwarwa tse di leng teng magareng ga Aforika Borwa le dinaga tse dingwe.
Godimo
Boemo jwa tirelo
Maemo a tirelo a ikaegile ka dikgetse ka bongwe ka bongwe le maemo a naga e e tshwereng.
Godimo
Tlhotlhwa
Lefapha la Merero ya Boditšhaba le baya tlhwatlhwa fa go tlhokegang, go ikaegilwe ka tirelo e e rebolwang.
Godimo
Diforomo tse tladiwang
Kemedi ya Aforika Borwa e tla tlamela mogolegwa ka diforomo tsa kopo tse di maleba.
Godimo
Lefelo la bodirelo, diaterese le megala
